Krainy «Vialikaj siamiorki» abmiarkoŭvajuć tatalnuju zabaronu ekspartu ŭ Rasiju
Pradstaŭniki siami viadučych suśvietnych dziaržaŭ razhladajuć uviadzieńnie amal poŭnaj zabarony na ekspart tavaraŭ u Rasiju. Pra heta paviedamiła ŭ piatnicu japonskaje navinavaje ahienctva «Kijoda» sa spasyłkaj na krynicy va ŭradzie Japonii, paviedamlaje Bi-bi-si.
Napiaredadni amierykanskaje vydańnie Bloomberg taksama napisała sa spasyłkaj na svaje krynicy, što ZŠA i sajuźniki Ukrainy abmiarkoŭvajuć «pramuju zabaronu na bolšuju častku ekspartu ŭ Rasiju». Zhodna z hetym paviedamleńniem, aficyjnyja asoby «Hrupy siami» viaduć dyskusii pa nazvanym pytańni napiaredadni samitu lidaraŭ G7, jaki adbudziecca ŭ Japonii ŭ mai.
Miarkujecca, što ŭ vypadku adabreńnia «Vialikaj siamiorkaj» anałahičnyja zabaronnyja miery ŭviaduć i dziaržavy — udzielnicy ES.
Adkazvajučy na prośbu prakamientavać paviedamleńnie Bloomberg, hienieralny sakratar kabinieta ministraŭ Japonii Chirakadzu Macuna skazaŭ, što ŭrad viedaje pra jaho, ale pry hetym nie moža raskryvać źmiest dyskusij, jakija iduć pamiž krainami «Vialikaj siamiorki» i ich adnadumcami z nahody mahčymych novych sankcyj suprać Rasii.
«Važnym dla chutčejšaha spynieńnia rasijskaj ahresii źjaŭlajecca toje, što G7 zachoŭvaje adzinstva ŭ pytańni surovych sankcyj suprać Rasii i akazańnia ćviordaj padtrymki Ukrainie», — skazaŭ Chirakadzu Macuna.
Japonski ministr ekanomiki, handlu i pramysłovaści Jasutosi Nisimura, jakomu zadali anałahičnaje pytańnie na pres-kanfierencyi ŭ Tokia, admoviŭsia raskryć padrabiaznaści, skazaŭšy, što heta pytańnie lažyć u płoskaści dypłamatyčnych pieramoŭ.
Jak piša Bloomberg, kali takaja pastanova budzie pryniataja, heta moža całkam źmianić siońniašni režym sankcyj, bo zabaronić pradavać u Rasiju što b tam ni było, za vyklučeńniem abmiežavanaha śpisu dazvolenych tavaraŭ, takich jak leki abo pradukty charčavańnia.
U adpaviednaści ź biahučymi Praviłami ŭviedzieny suprać Maskvy sankcyjny režym dziejničaje roŭna naadvarot: pa zmaŭčańni luby ekspart dazvoleny, a abmiežavańni raspaŭsiudžvajucca tolki na asobnyja tavary.
Kamientary