Na Homielščynie źjavicca turystyčny maršrut pa Čarnobylskaj zonie
U Homielskaj vobłaści zapuściać novy turystyčny maršrut, jaki budzie pralahać praz terytoryju Paleskaha dziaržaŭnaha radyjacyjna-ekałahičnaha zapaviednika.
Novy maršrut projdzie pa adsielenych vioskach u Naraŭlanskim rajonie, žychary jakich byli vymušanyja pakinuć svaje damy z-za avaryi na Čarnobylskaj AES. Turysty zmohuć naviedać vioski Cieškava i Dziarnovičy, paviedamlaje BiełTA.
U pačatku 2023 hoda ŭ Dziarnovičach u razburanaj kaplicy znajšli staradaŭni abraz «Chryščeńnie Haspodniaje», jaki znachodziŭsia tam praktyčna 37 hadoŭ i zachavaŭsia ŭ dobrym stanie. Śpiecyjalisty nazvali heta «cudam».
U Cieškavie majuć namier adkryć muziej savieckaha pobytu.
Taksama ŭ hetym rehijonie vyjavili «krynicu z kryštalna čystaj vadoj, jakaja nie zamiarzaje navat u minusavuju tempieraturu».
Maršrut prachodzić finišnyja etapy ŭzhadnieńnia i chutka budzie dastupny dla turystaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary