Stalica pavinna mieć svajo afarmleńnie ŭsiaho kirmašovaha abstalavańnia: parasony ź simvolikaj horada, svaje handlovyja punkty, miarkujuć u Minharvykankamie.
Kirmašovaja placoŭka la Pałaca sportu nabudzie novaje afarmleńnie, raspaviała «Minsk-Navinam» pieršy namieśnik staršyni Minharvykankama Nadzieja Łazarevič.
— Tyja, chto naviedvaje kirmaš na Niamizie, viedajuć, jak vyhladajuć handlovyja miescy: namioty roznaha farmatu, parasony z łahatypami sałodkaj haziroŭki ci piva. Stalica pavinna mieć svajo afarmleńnie ŭsiaho kirmašovaha abstalavańnia: parasony ź simvolikaj horada, svaje handlovyja punkty. U hetym rašeńni nas padtrymaŭ staršynia Minharvykankama, — raspaviała N. Łazarevič.
Zamiest namiotaŭ da Novaha hoda na placoŭcy la Pałaca sportu buduć uźviedzieny domiki peŭnaha farmatu i zaćvierdžanaha dyzajnu. Ich možna budzie zdavać u arendu subjektam haspadarańnia.
— Tak jak la Pałaca sportu znachodzicca asnoŭnaja kirmašovaja placoŭka, pieršapačatkova takija abjekty źjaviacca na hetaj łakacyi. Domiki, jakija zrobim mabilnymi, možna budzie pieravozić padčas budaŭničych rabot abo kali nieabchodna pravieści kirmaš u jakim-niebudź inšym miescy. Absłuhoŭvać hety invientar budzie adno z haradskich dziaržaŭnych pradpryjemstvaŭ, — adznačyła pradstaŭnik administracyi stalicy.
Nie vyklučana, što pieršyja kirmašovyja domiki źjaviacca nie da Novaha hoda, a ŭžo da Dnia horada. Usio afarmleńnie budzie hatova da śniežnia 2023-ha.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec13
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary