Brytanskaja para patraciła $250 000, kab prybrać z doma murał Benksi
U 2021 hodzie Benksi namalavaŭ 6-mietrovuju čajku na ścianie doma ŭ Łoŭstafcie, hrafstva Safałk.
Brytanskaja para patraciła amal 250 tysiač dalaraŭ, kab prybrać murał mastaka Benksi sa svajoj ściany z-za «nadzvyčaj stresavaha» dohladu za im, piša «Ukrainskaja praŭda».
Z tych časoŭ domaŭładalniki Hary i Chokin Koŭts nieadnarazova ciarpieli ad vandałaŭ i byli vymušanyja płacić za achovu i zachavańnie murała, vydatkoŭvajučy amal 50 tysiač dalaraŭ u hod.
Vydaleńnie čajki abyšłosia prykładna ŭ čverć miljona dalaraŭ.
«Spačatku heta było prosta nievierahodna, ale z raźvićciom padziej heta stała nadzvyčaj stresavym. Ja nie ŭpeŭnieny, što Benksi ŭśviedamlaje niepradbačanyja nastupstvy dla domaŭładalnikaŭ. Kali b my mahli paviarnuć čas nazad, my hetaha nie zrabili b», — skazaŭ Hary Koŭts u intervju The Times.
Chulihany sprabavali zafarbavać murał, a zładziei adkołvali frahmienty pracy, kab pradać ich na Facebook, ad čaho ciarpieŭ i budynak, i jaho ŭładalniki.
Paśla adnaho z takich kradziažoŭ im pryjšłosia za svoj košt naniać achoŭnika, jaki pavinien byŭ sačyć za murałam nočču.
Narešcie, siamja vyrašyła źniać 22-tonny malunak.
Koŭtsam daviałosia pierakryvać darohu i najmać 40-futavy kran — heta kaštavała 200 tysiač funtaŭ sterlinhaŭ (246 300 dalaraŭ).
Haradskaja rada Łoŭstafta pryznała, što para maje prava vydalić pracu sa svajoj majomaści i što «pracy Benksi pa svajoj pryrodzie nie zaŭsiody mohuć być pastajannymi abjektami».
Miascovy art-dyler Džon Brandler choča zachavać murał u halerei abo muziei. A Koŭtsy spadziajucca pradać karcinu, kab pakryć svaje vydatki.
U minułym hodzie brytanski vuličny mastak Benksi stvaryŭ siem murałaŭ u roznych miescach Ukrainy, u pryvatnaści, u Kijevie, Irpieni, Baradziancy i Hastomieli.
Adnak hastomielski murał zrezała hrupa ludziej, za što ich zatrymała palicyja.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2
Kamientary