U Babrujsku za ŭdzieł u minskich akcyjach pratestu asudzili troch čałaviek
U sudzie Babrujskaha rajona i horada Babrujska 19 červienia pavodle art. 342 Kryminalnaha kodeksa asudzili adrazu troch čałaviek. Žycharoŭ Babrujska abvinavacili pa «narodnym» artykule za ŭdzieł u paślavybarčych akcyjach pratestu ŭ Minsku ŭ 2020 hodzie.
Palitźniavolenuju aktyvistku Halinu Śmirnovu asudzili da dvuch hadoŭ «chatniaj chimii», Alaksandra Leanienku — da adnaho hoda i šaści miesiacaŭ «chatniaj chimii», a palitźniavolenaha Andreja Sinicu — da troch hadoŭ «chimii». Dziaržaŭnaja abvinavaŭca zaprašvała ŭ sudździ Volhi Sierakovaj dla apošniaha try hady kałonii, pra heta piša «Viasna».
Pa spravie adbyłosia adno pasiadžeńnie. Na im prakuror paśpieŭ zaprasić dla palitviaźniaŭ terminy.
Halina Śmirnova ŭtrymlivałasia pad vartaj z 24 sakavika 2023 hoda. Žychara Babrujska Andreja Sinicu zatrymali ranicaj 10 sakavika 2023 hoda paśla pieratrusu. Adrazu jaho asudzili da 15 sutak aryštu pavodle art. 19.11 KaAP za «raspaŭsiud ekstremisckich materyjałaŭ», paśla jakich na volu jon užo nie vyjšaŭ.
Palitźniavolenych Halinu i Andreja paśla abviaščeńnia prysudu vyzvalili ŭ zale suda.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary