Susiedzi dapamahli chłopcu sabrać 37 tysiač dalaraŭ, kab jon moh znajści siabroŭ
Žychar Techasa Brenan Rej vykłaŭ u tyktok videa, dzie da jaho ź niečakanaj prośbaj źviarnuŭsia susiedski chłopčyk. Jon skazaŭ, što jaho zavuć Šejdan Uokier i jon šukaje siabroŭ. Z hetaha zakruciłasia cełaja historyja.
Kali susied skazaŭ, što ŭniz pa vulicy žyvuć chłapčuki jahonaha ŭzrostu, Šejdan adkazaŭ, što tyja ździekujucca ź jaho i tamu jon bolš ź imi nie siabruje. Chłopčyk spytaŭ, ci jość dzieci ŭ samoha Brenana, na što toj adkazaŭ, što maje tolki maleńkaha syna 2-ch hadoŭ.
Kranutyja takim zvarotam, susiedzi vyrašyli dapamahčy Šejdanu znajści siabroŭ. Na płatformie GoFundMe jany abviaścili zbor srodkaŭ na sumu 7 tysiač dalaraŭ, ale dziakujučy rozhałasu ŭ tyktoku sabrać atrymałasia na 30 tysiač dalaraŭ bolej.
Hetyja hrošy pojduć na hulniavuju sistemu, školnaje adzieńnie i, mahčyma, na kvitki ŭ park zabaŭ dla Šejdana i jaho budučych siabroŭ. Usie srodki pieradaduć niepasredna siamji chłopčyka.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary