«Heta vajna, jakuju pačała Rasija» — Bieły dom pra ataku dronaŭ na Maskvu
Karyn Žan-Pjer padkreśliła, što na praciahu ŭsich miesiacaŭ vajny RF amal štodnia nanosić udary pa cyvilnych abjektach va Ukrainie.
U administracyi Džo Bajdena zajavili, što ataka bieśpiłotnikaŭ na Maskvu źjaŭlajecca śledstvam vajny, jakuju raźviazała RF, zajaviła śpikierka viedamstva Karyn Žan-Pjer, piša Ukrainskaja praŭda».
Na prośbu prakamientavać ataku dronaŭ na centr Maskvy, śpikierka Biełaha doma zajaviła: «Heta vajna, jakuju pačała Rasija».
Karyn Žan-Pjer padkreśliła, što na praciahu ŭsich miesiacaŭ vajny RF amal štodnia nanosić udary pa cyvilnych abjektach va Ukrainie.
«Rasija bambiła port u Adesie, zabiŭšy i paraniŭšy ŭkrainskich cyvilnych, razburyŭšy abjekt histaryčnaj spadčyny JUNIESKA, źniščyŭšy dziasiatki tysiač ton zbožža, jakoje pryznačałasia dla inšych krain va ŭsim śviecie», — zajaviła jana.
Pry hetym śpikierka administracyi Bajdena adznačyła, što ZŠA nie padtrymlivajuć naniasieńnia ŭdaraŭ Ukrainaj pa terytoryi RF, ale nahadała, što Krym źjaŭlajecca ŭkrainskaj terytoryjaj.
Kamientary