Na zaŭsiodnicu rasijskich palityčnych šou Sakałoŭskuju zaviali kryminalnuju spravu
Žurnalistka Janina Sakałoŭskaja abvinavačvajecca ŭ publičnym raspaŭsiudzie zahadzia łžyvaj infarmacyi pra dziejańni Uzbrojenych sił Rasijskaj Fiederacyi. U maskoŭskaj kvatery žurnalistki prajšli pieratrusy.
Jak paviedamlaje Śledčy kamitet Rasii, žurnalistka Janina Sakałoŭskaja abvinavačvajecca ŭ ździajśnieńni złačynstva, praduhledžanaha punktam «d» častki 2 artykuła 207.3 Kryminalnaha kodeksa Rasijskaj Fiederacyi (publičnaje raspaŭsiudžvańnie zahadzia łžyvaj infarmacyi ab dziejańniach Uzbrojenych sił Rasijskaj Fiederacyi).
Pa danych śledstva, Sakałoŭskaja «z sakavika pa maj 2022 hoda publična raspaŭsiudziła ŭ adkrytym dostupie dla nieabmiežavanaha koła asob u telehram-kanale pad vyhladam dakładnych paviedamleńniaŭ zahadzia łžyvuju infarmacyju ab dziejańniach Uzbrojenych sił Rasijskaj Fiederacyi suprać mirnaha nasielnictva Ukrainy».
Jak paviedamlajecca, u maskoŭskaj kvatery žurnalistki praviali pieratrusy.
Hałoŭnaja redaktarka vydańnia «Iźviestija na Ukrainie» Janina Sakałoŭskaja była častaj hościaj hramadska-palityčnych šou na rasijskim telebačańni, pryśviečanych pieravažna temie Ukrainy i Danbasa, u jakaści padsadnoha ŭkrainskaha «palitołaha» ci «palityčnaha ekśpierta».
Žurnalist ukrainskaha vydańnia «Dietiektor miedia» Jarasłaŭ Zubčanka zaličyŭ Sakałoŭskuju ŭ lik «falšyvych ukrainskich haściej» rasijskich telešou, acharaktaryzavaŭšy jaje jak «chłusa», čałavieka, jaki pazicyjanuje siabie ekśpiertam pa peŭnych pracesach va Ukrainie i na padstavie hetaha chłusić pra situacyju ŭ krainie pad vyhladam abarony jaje intaresaŭ.
Čytajcie jašče:
Novy skandał na rasijskim TV: sa studyi vyhnali ŭkrainskuju žurnalistku VIDEA
U Rasii zatrymali błohiera i byłoha ministra abarony «DNR» Ihara Strałkova (Hirkina) — RBK
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary