Da hetaha času ŭ Łatvii nie było vyjaŭlena jakoj-niebudź źniešniaj rekłamy hrupoŭki, naprykład, nalepak abo inšych prapahandysckich materyjałaŭ.
Słužba dziaržbiaśpieki Łatvii (SDB) vyjaviła ŭ internecie asobnyja pramyja i ŭskosnyja zakliki dałučycca da rasijskaj hrupoŭki «Vahnier», paviedamlaje Delfi sa spasyłkaj na pradstaŭnikoŭ słužby. Bolš padrabiaznych kamientaroŭ Słužba biaśpieki nie pahučyła.
Pradstaŭniki SDB tolki rastłumačyli, što da hetaha času ŭ Łatvii nie było vyjaŭlena jakoj-niebudź źniešniaj rekłamy hrupoŭki, naprykład, nalepak abo inšych prapahandysckich materyjałaŭ.
U SDB taksama nahadali, što hramadzianam i niehramadzianam Łatvii zabaroniena słužyć va Uzbrojenych siłach abo vajskovaj arhanizacyi inšaj dziaržavy, jakaja pahražaje nacyjanalnaj biaśpiecy Łatvii. Za parušeńnie hetaj zabarony praduhledžana kryminalnaja adkaznaść — pazbaŭleńnie voli na termin da čatyroch hadoŭ.
Pakarańnie ŭ vyhladzie turemnaha terminu da dziesiaci hadoŭ taksama praduhledžana za aktyŭny ŭdzieł va ŭzbrojenym kanflikcie, što adbyvajecca za miežami Łatvii, nakiravanym suprać terytaryjalnaj cełasnaści abo palityčnaj niezaležnaści krainy ci inšym čynam supiarečyć mižnarodnamu pravu, źviazanamu z Łatvijaj.
SDB zaklikaje hramadzian paviedamlać pra zaŭvažanyja imi prapahandysckija materyjały ci inšyja sproby zavierbavać žycharoŭ Łatvii ŭ hrupoŭku «Vahnier».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary