U 2019 hodzie Siarhiej Cichanoŭski stvaryŭ YouTube-kanał «Kraina dla žyćcia», jaki mienš čym za hod staŭ adnym z samych papularnych u biełaruskim siehmiencie Youtube. Błohier aktyŭna jeździŭ pa rehijonach Biełarusi, sustrakaŭsia z padpisčykami, braŭ u ich intervju, padčas jakich miascovyja žychary raspaviadali ab svaich prablemach. Usio źmianiłasia praz hod.
U mai 2020 hoda Cichanoŭski vykazaŭ žadańnie bałatavacca na pasadu prezidenta, adnak pierad samym pačatkam vybarčaj kampanii byŭ zatrymany za arhanizacyju niesankcyjanavanaha mierapryjemstva i nie zmoh asabista padać dakumienty ŭ CVK. Pavodle davieranaści heta zrabiła jaho žonka Śviatłana Cichanoŭskaja, ale CVK usie roŭna nie zarehistravaŭ błohiera, tady dakumienty na rehistracyju siabie padała Śviatłana, i jaje zarehistravali.
Paśla zakančeńnia administracyjnaha aryštu Siarhiej staŭ davieranaj asobaj Śviatłany Cichanoŭskaj i aktyŭna ŭklučyŭsia ŭ kampaniju pa zbory podpisaŭ u jaje padtrymku. U kožnym horadzie, kudy pryjazdžała kamanda «Kraina dla žyćcia», źbirałasia rekordnaja kolkaść achvotnych padpisacca za vyłučeńnie Śviatłany.
29 maja 2020 hoda Siarhieja Cichanoŭskaha zatrymali ŭ Hrodnie ŭ vyniku pravakacyi. Suprać jaho i paplečnikaŭ była zaviedziena kryminalnaja sprava.
Siarhieju Cichanoŭskamu ŭ vyniku vystavili kančatkovaje abvinavačańnie pavodle nastupnych artykułaŭ Kryminalnaha kodeksa:
- č. 1 art. 293 (arhanizacyja masavych biesparadkaŭ);
- č. 3 art. 130 (raspalvańnie sacyjalnaj varožaści);
- č. 2 art. 191 (pieraškoda pracy CVK);
- č. 1 art. 342 (arhanizacyja dziejańniaŭ, jakija hruba parušajuć hramadski paradak).
14 śniežnia 2021 hoda byŭ vyniesieny prysud: 18 hadoŭ źniavoleńnia ŭ kałonii ŭzmocnienaha režymu.
Uletku 2022 hoda było vyrašana pieravieści jaho z PK № 15 u žodzinskuju turmu № 8.
U siaredzinie studzienia 2023 h. suprać Siarhieja zaviali spravu pavodle č. 2 art. 411 KK za «złosnaje niepadparadkavańnie patrabavańniam administracyi papraŭčaj ustanovy».
27 lutaha 2023 hoda jamu ŭ dadatak da 18 hadoŭ kałonii dali jašče paŭtara hoda. U vyniku jahony termin — 19 z pałovaj hadoŭ.
Z sakavika da pačatku lipienia pra jaho nie było nijakich viestak i tolki paśla źjaŭleńnia ananimnaj infarmacyi, što jon nibyta pamior u turmie, praŭładnyja telehram-kanały apublikavali videa, paznačanaje 5 lipienia, na jakim byŭ Cichanoŭski ŭ kamiery.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary