«Biełpošta» vypuściła skrynku dla pasyłak z mahiloŭskaj ratušaj, ale pierabłytała jaje ź inšym budynkam
Na vyjavie apynułasia słavutaść inšaha horada.
Fotazdymkam z karobkaj dla pasyłak padzialiłasia karystalnica Treds.
«Cikava, čamu na «Biełpošcie» vyrašyli, što naša hrodzienskaja pažarka — heta ratuša ŭ Mahilovie?» — zadałasia pytańniem žančyna.
Fota: skrynšot dopisa ŭ Treds
Na karobcy napisana «Mahiloŭ. Ratuša». Tamu nibyta na malunku znachodzicca mahiloŭskaja ratuša. Adnak zamiest jaje nadrukavana vyjava pažarnaj kałančy z centra Hrodna.
Pažarnaja častka ŭ centry Hrodna z pažarnaj viežaj, jakuju «Biełpošta» vydała za viežu ratušy ŭ Mahilovie. Fota: «Jandeks Panaramy»
U mahiloŭskaj ratušy jość vyrazny špil, dyj prybudova vakoł jaje adroźnivajecca — u trochpaviarchovaha doma pobač inšyja formy voknaŭ, niama i ściany z pano, jak ŭ Hrodnie.
Budynak ratušy ŭ Mahilovie. Fota: «Jandeks Panaramy»
Kamientary