«Nam praktyčna kožny tydzień prychodziać paćviardžeńni». Va Ukrainie akreślili rolu Łukašenki ŭ departacyi ŭkrainskich dziaciej
Upaŭnavažany Viarchoŭnaj Rady Ukrainy pa pravach čałavieka Dźmitryj Łubiniec padzialiŭsia aktualnaj infarmacyjaj ab datyčnaści režymu Łukašenki da departacyi ŭkrainskich dziaciej. Jahonyja słovy 14 vieraśnia pieradało ahienctva «Ukrinfarm».
Pa słovach čynoŭnika, pramyja dokazy asabistaha ŭdziełu Łukašenki i jaho ludziej u niezakonnaj pieravozcy ŭkrainskich dziaciej pastupajuć amal kožny tydzień.
«Jašče raniej ja, zdajecca, staŭ pieršym upaŭnavažanym pradstaŭnikom Ukrainy, jaki publična zajaviŭ ab najaŭnaści infarmacyi adnosna asabistaha ŭdziełu tak zvanaha, niepryznanaha prezidenta Łukašenki ŭ departacyi ŭkrainskich dziaciej.
Nam praktyčna kožny tydzień prychodziać paćviardžeńni taho, što ŭłady Biełarusi prymajuć u hetym pracesie ŭdzieł. Heta adbyvajecca prosta ciapier», — raskazaŭ Dźmitryj Łubiniec.
Jak jon adznačaje, dziejańni režymu Łukašenki pavinny być praanalizavanyja i ŭ vyniku asudžanyja.
Ukrainski čynoŭnik upeŭnieny, što prykład z užo vydadzienymi mižnarodnymi orderami na aryšt prezidenta Rasii Uładzimira Pucina i rasijskaj upaŭnavažanaj pa pravach dziciaci Maryi Lvovaj-Białovaj źjaŭlajecca mocnym jurydyčnym arhumientam na karyść viartańnia ŭkrainskich dziaciej dadomu.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?3
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary