Forvard «Barsiełony» pajšoŭ u prybiralniu padčas matča Lihi čempijonaŭ i nie viarnuŭsia na pole. Pryjšłosia rabić zamienu
U Łamina Jamala prychapiŭ žyvot.
Forvard katałonskaha kłuba Łamin Jamal pakinuŭ svaju kamandu ŭ mienšaści bolš čym na piać chvilin padčas učorašniaha matča 2-ha tura hrupavoha etapu Lihi čempijonaŭ z «Portu» (1:0), piša Championat.com.
Padčas pajadynku futbalist adčuŭ bol u žyvacie i pajšoŭ u prybiralniu na 71-j chvilinie. Doŭhi čas forvard nie viartaŭsia na pole i byŭ zamienieny na 80-j.
Hałoŭny trenier «Barsy» Chavi prakamientavaŭ vypadak.
«Jon drenna pačuvaŭsia, u jaho byli boli ŭ žyvacie. My mučylisia ŭdziesiacioch, bo jon nie zmoh viarnucca, a potym adbyłosia vydaleńnie Havi na 90-j chvilinie. U hetym matčy było ŭsio — traŭmy, niedamahańnie Łamina. Nastupny matč u nas u niadzielu, spadziajemsia adnavicca», — skazaŭ Chavi.
Jamal staŭ samym maładym futbalistam u historyi Lihi čempijonaŭ, jaki trapiŭ u startavy skład.
Jon vyjšaŭ u asnovie ŭ 16 hadoŭ i 83 dni, pierasiahnuŭšy rekord nihieryjskaha eks-hulca Sielaścina Babajara («Anderlecht»), pastaŭleny ŭ 1994 hodzie (16 hadoŭ i 86 dzion).
Jamal źjaŭlajecca vychavancam «Barsiełony». Za asnoŭny skład jon vystupaje z 2023 hoda. Kantrakt hulca z kłubam raźličany da 2026 hoda. A suma adstupnych składzie adzin miljard jeŭra.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary