U Minsku adkryŭsia novy muziej — ź dźviuma sotniami madelaŭ hadzińnikaŭ FOTY
Minski hadzińnikavy zavod «Łuč» sabraŭ Muziej hadzińnikavaj spravy, u im vystavili hadzińniki ŭsich časoŭ i narodaŭ. Na ŭračystym adkryćci pili šampanskaje i słuchali paciešnyja historyi pra dakładnyja miechanizmy, piša Tochka.by.
Taki muziej pieršy ŭ krainie, i ŭ jaho ekspazicyi dźvie sotni madelaŭ hadzińnikaŭ.
Tut ich šmat roznych — ad makieta soniečnych sa Staražytnaha Jehipta da modnych naručnych z karcinami Van Hoha.
Na dadatak — kaminnyja, naściennyja, kišennyja hadzińniki i redkija madeli zavoda «Łuč» — miedycynskija, dla šachcioraŭ.
Na ahladzie — abstalavańnie ź minułaha: stoł majstra-hadzinščyka, šviejcarski takarny stanok i prajektar dla adbrakoŭki detalaŭ.
Možna na kantraście taksama paraŭnać, jak pracujuć ciapier. Zavod prapanuje ekskursiju na vytvorčaść.
Uvachod u muziej biaspłatny dla dziaciej da šaści hadoŭ, sirotaŭ, invalidaŭ, vieteranaŭ.
Dla školnikaŭ, studentaŭ i piensijanieraŭ — 6 rubloŭ. Darosły kvitok — 9 rubloŭ.
Ekskursija pa vytvorčaści darosłym abyjdziecca ŭ 21 rubiel, dzieciam i piensijanieram — 15 rubloŭ.
Stvaralniki ekspazicyi vyvučali archivy, dapamahali im paradaj i kalekcyjaniery.
«My vyrašyli raskazać historyju hadzińnikavaj spravy ŭ krainie. Bo da «Łuča» ŭ Biełarusi taksama rabili hadzińniki, nam jość čym hanarycca», — raskazaŭ namieśnik dyrektara pa raźvićci AAT «Minski hadzińnikavy zavod» Rafik Sarkisian.
Ekspazicyja budzie pašyracca. Bližejšym časam u muziei źjavicca detal ad samaha staroha ŭ Jeŭropie dziejnaha viežavaha hadzińnika — u Hrodzienskim kaściole, jamu 500 hadoŭ.
Placoŭka muzieja zadumanaja nie tolki pad vystavu. Kalekcyjaniery tut zmohuć čytać lekcyi pra hadzińnikavyja spravy.
«Nie pavierycie, ale jość klijenty navat ź Jeŭropy». Majstar raskazaŭ, chto siońnia ramantuje hadzińniki i navošta heta treba
Hadzińnik žychara Viciebska z «Tytanika» pradali na aŭkcyjonie
«Što za žachlivaja prapahanda ruskaha śvietu?» Hadzińnikavamu zavodu dastałosia na arechi za rekłamu novaj kalekcyi
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary