Ułady Francyi padazrajuć Kreml u kradziažy pryžyćciovych vydańniaŭ Puškina
Havorka idzie pra złačyncaŭ z hruzinskimi pašpartami, jakija, imavierna, pracavali dla zakazčykaŭ z Rasii.
U Francyi zatrymana hrupa złačyncaŭ, jakaja krała z haradskich biblijatek pryžyćciovyja vydańni piśmieńnikaŭ: Puškina, Hohala i Lermantava. Ad kradziažoŭ paciarpieli biblijateki Francyi, Šviejcaryi, Niamieččyny, Finlandyi, Polščy, Litvy, Łatvii, Estonii, piša The Moscow Times.
Havorka idzie ab złačyncach z hruzinskimi pašpartami, jakija, imavierna, pracavali dla zakazčykaŭ z Rasii.
Spravaj zajmajucca śledčyja Centralnaha ŭpraŭleńnia pa baraćbie ź niezakonnym abarotam kulturnych kaštoŭnaściaŭ. U kancy listapada 2023 hoda traim padazravanym byli vystaŭlenyja abvinavačańni ŭ arhanizavanym kradziažy hrupaj i ŭ zmovie z metaj ździajśnieńnia złačynstva.
Ułady Francyi nie vyklučajuć dačynieńnia Kramla, chacia aficyjnaha paćvierdžańnia hetamu niama.
Adzin ź pieršych takich kradziažoŭ adbyŭsia ŭ lipieni 2023 hoda ŭ Vyšejšaj škole ŭ Lijonie.
Małady čałaviek pakazaŭ padroblenaje bielhijskaje paśviedčańnie asoby, kab atrymać 12 starych rabot Alaksandra Puškina. Praz čatyry hadziny biblijatekar pajšoŭ na vyklik, a knihi źnikli z zały. Adna ź ich, «Barys Hadunoŭ» 1825 hoda, aceńvajecca bolš čym u 70 000 jeŭra.
Paśla hetaha złačynstva, pravierka vyjaviła kradziažy ŭ Nacyjanalnaj biblijatecy Francyi ŭ Paryžy.
Siabar toj ža hrupoŭki z sakavika pa kastryčnik 2023 h. «aznajomiŭsia» ź vialikaj kolkaściu tvoraŭ rasijskich aŭtaraŭ, kab napisać dysiertacyju na temu «Demakratyja ŭ ruskaj litaratury XIX stahodździa».
Dzieviać redkich i kaštoŭnych rukapisaŭ Puškina i Lermantava byli vykradzienyja i zamienienyja kopijami.
Košt knih skłaŭ 650 000 jeŭra.
Bujny kradziež adbyŭsia i ŭ Varšavie, ź biblijateki haradskoha ŭniviersiteta vykradzienyja knihi na 500 000 jeŭra.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec13
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary