Analityčny servis Numbeo praanalizavaŭ košt na pasłuhi taksi ŭ 96 krainach, u tym liku ŭ Biełarusi.
Vyjaviłasia, što najbolšaja suma ŭ raźliku za adzin kiłamietr — u Šviejcaryi. Jana zaniała pieršaje miesca siarod samych darahich krain ź vialikim adryvam — 4,15 jeŭra. Dalej pa śpisie iduć Luksiemburh (3 jeŭra), Kuviejt (2,98 jeŭra) i Jamajka (2,95 jeŭra). Zamykaje top-5 Ałbanija z 2,88 jeŭra za kiłamietr.
Siarod jeŭrapiejskich krain Biełaruś stała pieršaj pa tannaści pasłuh taksi. U siarednim biełarusy płaciać ad 0,28 jeŭra za kiłamietr darohi.
Ceny ŭ našych susiedziaŭ atrymalisia nastupnyja:
- Ukraina — 0,29 jeŭra;
- Rasija — 0,31 jeŭra;
- Polšča — 0,68 jeŭra;
- Litva i Łatvija — 0,90 jeŭra.
A samyja maleńkija ceny za taksi ŭ śviecie — u Armienii (0,27 jeŭra) i Filipinach (0,23 jeŭra).
U suśvietnym rejtynhu Biełaruś dzielić treciaje miesca razam ź Iranam, Uźbiekistanam i Indyjaj.
Usie ceny aktualnyja na 15 studzienia 2024 hoda.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary