Były premjer Niderłandaŭ i jahonaja žonka pajšli z žyćcia ŭ adzin dzień. Jany pahadzilisia na eŭtanaziju
Były premjer-ministr Niderłandaŭ Drys van Aht i jahonaja žonka pahadzilisia na eŭtanaziju i pajšli z žyćcia ŭ paniadziełak, 5 lutaha. Im było pa 93 hady, i jany razam vychavali traich dziaciej, paviedamiła 9 lutaha pravaabarončaja arhanizacyja Forum Praw, zasnavanaja ŭ svoj čas van Ahtam.
Arhanizacyja paviedamiła, što były niderłandski premjer-ministr i jahonaja žonka pamierli 5 lutaha i buduć pachavanyja paśla pryvatnaj cyrymonii ŭ Niejmiehienie na ŭschodzie Niderłandaŭ.
«Jon pamior razam sa svajoj kachanaj žonkaj Jaŭhienijaj van Aht-Krekielbierh, aporaj i pavadyrkaj, ź jakoj jon byŭ bolš za 70 hadoŭ i jakuju zaŭsiody nazyvaŭ «maja dziaŭčynka», — havorycca ŭ paviedamleńni.
Niekatory čas para zmahałasia z mocnymi prablemami sa zdaroŭjem. Były premjer-ministr pieranios u 2019 hodzie krovaźlićcio ŭ mozh padčas vystupu na cyrymonii, pryśviečanaj paleścinskaj prablemie. U paleścinskim pytańni jon stajaŭ na baku paleścincaŭ, krytykavaŭ ułady Niderłandaŭ za «praizrailskuju pazicyju» i vykazvaŭ škadavańnie ŭ suviazi z bajkotam arhanizacyi CHAMAS.
Z časoŭ taho insultu palityk całkam tak i nie ačuniaŭ.
Van Aht byŭ premjer-ministram Niderłandaŭ z 1977 pa 1982 hod. Jon byŭ źviazany z rucham chryścijanskich demakrataŭ, viadomy svajoj malaŭničaj movaj, jakuju jon časta ŭzbahačaŭ archaičnymi frazami.
«Svajoj kviacistaj i ŭnikalnaj movaj, jasnymi pierakanańniami i jarkim źniešnim vyhladam Drys van Aht nadaŭ koler i źmiest niderłandskaj palitycy ŭ časy palaryzacyi», — zajaviŭ ciapierašni premjer-ministr Niderłandaŭ Mark Rute.
Mahčymaść eŭtanazii ŭ Niderłandach była zakanadaŭča zamacavanaja ŭ 2001 hodzie. Čałaviek musić prainfarmavać pra svajo žadańnie lekara, zatym kamisija pa etycy daje svajo zaklučeńnie. U vypadku jaje admovy dazvoł mohuć dać prakuror i kamisija ad Ministerstva achovy zdaroŭja, dabrabytu i sportu. Pry hetym samu eŭtanaziju pravodzić lekar, u jakoha jość prava ad hetaha admovicca.
Jašče adna kraina vyrašyła lehalizavać eŭtanaziju
Navukoŭcy: eŭtanazija, mahčyma, isnavała ŭ impieryi inkaŭ
Dziciačaja eŭtanazija — što pakazvaje dośvied Bielhii ŭ hetaj śfiery i čamu heta važna
Urad Niderłandaŭ uchvaliŭ mahčymaść eŭtanazii dla dziaciej
U Šviejcaryi biełaruscy dali štraf za admovu ŭsypić sabaku
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy14
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1616
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?16
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary