U Biełarusi adznačyli hadavinu vyvadu savieckich vojskaŭ z Afhanistana z «ražanymi» afhancami FOTAFAKT
15 lutaha spoŭniłasia 35 hadoŭ z dnia aficyjnaha zakančeńnia vyvadu savieckich vojskaŭ z Afhanistana. Heta vajna razam ź inšymi faktarami mocna padarvała žyćciovyja siły Savieckaha Sajuza, jaki praź niapoŭnyja try hady spyniŭ svajo isnavańnie.
Peŭny čas u Biełarusi ŭvod vojskaŭ u Afhanistan ličyŭsia pamyłkaj, a vieterany toj vajny — achviarami savieckaha kiraŭnictva, kinutymi pamirać i zabivać samim u dalokuju krainu dziela nie vielmi zrazumiełych metaŭ.
Ale čym dalej, tym bolš pra hetyja achviary zabyvalisia, a ŭdzieł u afhanskaj vajnie staŭ u aficyjnaj prapahandzie nabyvać rolu hieraičnaha čynu. Pra jaho stali stanoŭča, jak pra «internacyjanalny doŭh», znoŭ havaryć i vysokapastaŭlenyja vajskovyja čynoŭniki, i prapahandysty.
U takim rečyščy było vytrymanaje i sioletniaje adznačańnie paŭjubilejnaj daty, jakoje pravodziłasia pa ŭsioj Biełarusi. U niekatorych haradach heta nabyvała charaktar navat kaściumavanych šou, hierojami jakich byli i «ražanyja» afhanskija vajskoŭcy roznych pałoŭ i ŭzrostaŭ.
Kamientary
Puskaj kłovany takžie putina s łukoj razodienut i otdadut im takuju žie čiesť.