«A chto jon taki?» — reakcyja botaŭ na naviny pra śmierć Navalnaha
Na prykładzie tyktoku «Našaj Nivy» raskazvajem, jak boty reahujuć na paviedamleńni, źviazanyja ź śmierciu Navalnaha.
My praanalizavali videa z našaha kanału ŭ tyktoku, jakija byli pryśviečany śmierci Alaksieja Navalnaha, i zaŭvažyli peŭnaje padabienstva ŭ kamientarach.
Kali ŭ videa z paviedamleńniem ab śmierci Aleksieja Navalnaha ŭsiaho niekalki dziasiatkaŭ kamientaroŭ, to pad navinoju ab tym, što maci Navalnaha admoviłasia prymać spačuvańni, ich užo amal 3000.
U pieršyja ž chviliny paśla źjaŭleńnia infarmacyi stali raźmiaščacca šmatlikija paviedamleńni, što Navalny pamior ad trombu. Pry hetym kamientatary raskazvali roznyja historyi, jakija byccam by adbylisia ź ich blizkimi. Varta adznačyć, što ni tady, ni ciapier niama nijakich padstaŭ mierkavać, što pryčynaj śmierci byŭ tromb — nie było nijakich abjektyŭnych faktaŭ, kab nieŭta śćviardžać.
Paralelna źjaŭlalisia šmatlikija zajavy ab tym, što ŭ śmierci Navalnaha vinavaty Zachad i sama žonka.
Pryčym bolšaja častka z hetych karystalnikaŭ maje zusim mała padpisčykaŭ.
Nastupnaja navina z paviedamleńniem ab tym, što pa Jeŭropie prachodziać stychijnyja akcyi pamiaci Navalnaha, była prakamientavana trochi bolš za 1200 razoŭ. Tut užo asnoŭny ŭpor boty-kamientatary robiać na toje, «a chto heta taki».
Apošniaja navina sa zvarotam Julii Navalnaj była prakamientavanaja amal stolki ž. Tut boty stali aktyŭna zajaŭlać pra toje, što ŭ śmierci muža vinavata jaho žonka.
Adzin z karystalnikaŭ spraviadliva zaŭvažyŭ: «Amal usie boty, navat nie spračajciesia ź imi».
Čytajcie jašče:
Ci moža śmierć Navalnaha padšturchnuć rasiejcaŭ da bolš aktyŭnaha supracivu ŭładzie?
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm11
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary