U Hiermanii na 3D-pryntary nadrukavali centr apracoŭki danych
Kolki času na heta spatrebiłasia?
Jak piša NewAltas.com, data-centr Wave House u niamieckim Hiejdelbierhu staŭ najbujniejšym u Jeŭropie budynkam, stvoranym z dapamohaj 3D-pryntara.
Z-za typovaj adsutnaści voknaŭ i vialikich prajomaŭ u asnoŭnych zonach centraŭ apracoŭki danych ich budynki vyhladajuć davoli sumna i nienatchnialna, tamu architektary ŭ svaim prajekcie vyrašyli nadać ścienam chvalepadobny dyzajn.
Kłasičnyja mietady budaŭnictva nie dazvalali realizavać prajekt, tamu była abrana technałohija 3D-budaŭnictva. Dla hetaha byŭ vykarystany pryntar BOD2 ad kampanii COBOD International PERI. Jon vydavaŭ budaŭničuju sumieś, prydatnuju dla druhasnaj apracoŭki, z chutkaściu 4 kubamietry ŭ hadzinu.
U vyniku budynak płoščaju 600 kv. mietraŭ pamierami 54 mietry ŭdoŭžki, 11 mietraŭ ušyrki i 9 mietraŭ uvyški byŭ pabudavany za 140 hadzin.
Uvieś prajekt, pačynajučy ad budaŭnictva da ŭvodu budynku ŭ ekspłuatacyju, zaniaŭ 7 miesiacaŭ. Adznačajecca, što dla afarboŭvańnia ścienaŭ byŭ vykarystany robat-malar.
Kampanija COBOD zajaŭlaje ab namierach aŭtamatyzacyi jak minimum 50% pracesaŭ na budaŭničych placoŭkach.
Čytajcie jašče:
Biełaruskija navukoŭcy pačali drukavać katlety na 3D-pryntary
U kosmasie na 3D-pryntary nadrukavali častku čałaviečaha cieła
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2121
Kamientary