У Германіі на 3D-прынтары надрукавалі цэнтр апрацоўкі даных
Колькі часу на гэта спатрэбілася?
Як піша NewAltas.com, дата-цэнтр Wave House у нямецкім Гейдэльбергу стаў найбуйнейшым у Еўропе будынкам, створаным з дапамогай 3D-прынтара.
З-за тыповай адсутнасці вокнаў і вялікіх праёмаў у асноўных зонах цэнтраў апрацоўкі даных іх будынкі выглядаюць даволі сумна і ненатхняльна, таму архітэктары ў сваім праекце вырашылі надаць сценам хвалепадобны дызайн.
Класічныя метады будаўніцтва не дазвалялі рэалізаваць праект, таму была абрана тэхналогія 3D-будаўніцтва. Для гэтага быў выкарыстаны прынтар BOD2 ад кампаніі COBOD International PERI. Ён выдаваў будаўнічую сумесь, прыдатную для другаснай апрацоўкі, з хуткасцю 4 кубаметры ў гадзіну.
У выніку будынак плошчаю 600 кв. метраў памерамі 54 метры ўдоўжкі, 11 метраў ушыркі і 9 метраў увышкі быў пабудаваны за 140 гадзін.
Увесь праект, пачынаючы ад будаўніцтва да ўводу будынку ў эксплуатацыю, заняў 7 месяцаў. Адзначаецца, што для афарбоўвання сценаў быў выкарыстаны робат-маляр.
Кампанія COBOD заяўляе аб намерах аўтаматызацыі як мінімум 50% працэсаў на будаўнічых пляцоўках.
Чытайце яшчэ:
Беларускія навукоўцы пачалі друкаваць катлеты на 3D-прынтары
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары