У Віцебску афіцыйна пачаўся XXXV Міжнародны фестываль мастацтваў «Славянскі базар». Звязаныя з ім мерапрыемствы праходзяць у горадзе ўжо некалькі дзён, а ўрачыстая цырымонія адкрыцця адбылася ўвечары 16 ліпеня ў Летнім амфітэатры.
Перад пачаткам першага канцэрта да ўдзельнікаў і гледачоў звярнуўся Аляксандр Лукашэнка. У сваім выступленні ён адзначыў, што «Славянскі базар» заўсёды быў не толькі культурнай падзеяй, але і, маўляў, своеасаблівым адлюстраваннем гісторыі Беларусі і свету.
Падчас цырымоніі адкрыцця Лукашэнка таксама ўручыў першыя ўзнагароды фестывалю. Гран-пры дзіцячага музычнага конкурсу «Віцебск» атрымала беларуская спявачка Лізавета Цупрык. Спецыяльнай узнагародай «Праз мастацтва — да міру і ўзаемаразумення» былі адзначаныя беларускі кампазітар Леанід Захлеўны і расійскі Аляксандр Зацэпін. Апошняму, дарэчы, сёлета ў сакавіку споўнілася 100 гадоў.
Падчас фестывалю ў Віцебску адбудуцца канцэрты, тэатральныя пастаноўкі, выставы і іншыя культурныя падзеі, якія будуць праходзіць на дзясятках пляцовак па ўсім горадзе.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары