Dyskusija na temu zbližeńnia Brusiela i Jerevana prajšła ŭ Jeŭraparłamiencie ŭ kancy lutaha.
Jeŭrapiejski parłamient ličyć, što nastaŭ čas pačać dyjałoh z Armienijaj ab libieralizacyi vizavaha režymu. Pra heta havorycca ŭ rezalucyi, pryniataj u sieradu ŭ Strasburhu. Za jaje prahałasavali 504 deputaty, 4 vystupili suprać, 32 ustrymalisia. Dyskusija na temu zbližeńnia Brusiela i Jerevana prajšła ŭ Jeŭraparłamiencie ŭ kancy lutaha, piša Deutsche Welle.
Zbližeńnie ES i Armienii
Jeŭraparłamient vitaje mocnaje žadańnie Armienii ŭmacavać i zrabić pryjarytetnymi svaje stasunki ź JEZ i miarkuje, što Jeŭrapiejski Sajuz pavinien «skarystacca hetym patencyjnym hieapalityčnym zrucham i dapamahčy Armienii bolš tryvała zamacavacca ŭ supolnaści demakratyj».
Jeŭrakamisii i krainam ES varta pačać pracu nad darožnaj kartaj dla vyviadzieńnia adnosin z Armienijaj na jakasna novy ŭzrovień, ličać deputaty. Dośvied Ukrainy, Hruzii i Małdovy pavinien pasłužyć dobraj asnovaj dla pastupovaj intehracyi Armienii z adzinym rynkam Jeŭrasajuza, što pavinna prynieści Jerevanu adčuvalnyja vyhady.
Armienija i Rasija
«RF imkniecca padarvać demakratyčnyja asnovy Armienii, sieje chaos i destabilizacyju šlacham pastajannych sprobaŭ umiašańnia, uklučajučy dezinfarmacyjnyja kampanii», — skazana ŭ rezalucyi Jeŭraparłamienta.
Pry hetym armianskaja ekanomika pa-raniejšamu ŭ značnaj stupieni zaležyć ad Rasii, na jakuju prypadaje kala 35 adsotkaŭ źniešniaha handlu Armienii, u pryvatnaści, u enierhietyčnym siektary.
Bolš za toje, Maskva moža pasprabavać vykarystać suprać Jerevana roznyja pahrozy, kab pakarać jaje za niezaležny palityčny i stratehičny vybar, prahnazujuć Jeŭradeputaty. U hetym vypadku ES pavinien być hatovy akazać «apieratyŭnuju dapamohu Armienii, kab źmiakčyć niehatyŭnyja nastupstvy».
Vajskovaja dapamoha
Jeŭrasajuzu nieabchodna ŭmacoŭvać supracoŭnictva z Armienijaj u halinie abarony i vyłučyć joj vajennuju dapamohu praź Jeŭrapiejski fond miru, vyrašyŭ Jeŭraparłamient. Jon vitaje abarončuju vajennuju padtrymku, jakuju Armienii pradastaŭlajuć niekalki krain ES, i zaklikaje inšyja dziaržavy da anałahičnych inicyjatyvaŭ. Hramadzianskuju misiju EUBAM varta pašyryć i padoŭžyć jaje mandat paśla 2025 hoda, zajavili jeŭraparłamientaryi.
Jany padkreślili, što ES pavinien być hatovy ŭvieści sankcyi ŭ dačynieńni da fizičnych i jurydyčnych asob, jakija pahražajuć suvierenitetu, niezaležnaści i terytaryjalnaj cełasnaści Armienii.
Ciapier čytajuć
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»13
Kamientary