Na łavie padsudnych u Minsku apynucca złodziei i ich achviary, jakija vyrašyli viarnuć svajo dabro niezakonnym sposabam.
Na łavie padsudnych u Minsku apynucca złodziei i ich achviary, jakija vyrašyli viarnuć svajo dabro niezakonnym sposabam.
Pačatkam hetaj nieardynarnaj historyi staŭ kradziež troch darahich matacykłaŭ, jakija ŭ adnu z načej ŭ niavyznačanym kirunku źnikli z haraža 27-hadovaha biźniesoŭca ź Minska. A ŭžo praź niekalki tydniaŭ tavaryš paciarpiełaha znajšoŭ abjavu ab prodažy bajka, padobnaha pa prykmietach na adzin z troch źnikłych matacykłaŭ.
Patelefanavali pa abjavie, pryznačyli sustreču. Adnak zamiest taho, kab advieźci pradaŭca (jaki apynuŭsia ŭsiaho tolki pasiarednikam) u milicyju, paciarpieły ź siabrami praktyčna paŭdnia ŭtrymlivali jaho ŭ zakładnikach u haražy svajho baćki. A kali sapraŭdny vykradalnik vyjšaŭ na kantakt, to chłopcy zamianili na jaho realizatara techniki. Pry hetym ad złodzieja zapatrabavali $11.000 u jakaści apłaty za ckradzienaje i «maralnaj kampiensacyi».
U pałonieŭ biźniesmienaŭ mužčyna pravioŭ cełuju noč, a ranicaj razam sa svaimi kryŭdzicielami nakiravaŭsia ŭ nataryjalnuju kantoru dla napisańnia raśpiski. Na nastupny dzień u vykradalnikaŭ była zapłanavanaja pajezdka ŭ DAI dla pieraafarmleńnia na ich u jakaści harantyj vypłaty doŭhu aŭtamabila. Ale zamiest Dziaržaŭtainśpiekcyi zmučany vymahalnikami złodziej źviarnuŭsia ŭ sumiežnyja struktury z zajavaj ...
«Zaraz u dačynieńni da ŭładalnika matacykłaŭ, jaho siabra, baćki, a taksama znajomaha baćki raspačataja kryminalnaja sprava pa cełym šerahu artykułaŭ kryminalnaha kodeksu, u liku jakich vykradańnie čałavieka, vymahalnictva, zachop zakładnika — złačynstvy, vielmi i vielmi redkija dla našaj krainy», — raspavioŭ načalnik śledčaha adździełu papiaredniaha rasśledavańnia Partyzanskaha RUUS Minska Siarhiej Łapacin. — «Tak što navat pry samym spryjalnym vyniku za sprobu vyrašyć pravavyja pytańni niepravavymi sposabam im pahražaje ad 5 da 12 hadoŭ pazbaŭleńnia voli. Što ž tyčycca čałavieka, jaki vykraŭ motatechniku, to za kradziež jamu pahražaje da 4 hadoŭ pazbaŭleńnia voli».
U vyniku skłałasia situacyja, vartaja abyhryvańnia na scenie teatra absurdu, dzie paciarpieły adnačasova źjaŭlajecca padazravanym, a padazravany — paciarpiełym. Adkazvać ža pierad zakonam daviadziecca ŭsim biez vyklučeńnia ...
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary