U Biełarusi źjaŭlajucca kinateatry farmatu 5D. Jany zabiaśpiečvajuć hledaču poŭnaje zanureńnie ŭ kinarealnaść.
Novaje vymiareńnie kinaadčuvańniaŭ
Kolki kaštuje sumnieŭnaje ščaście być absypanym piaskom i ablitym vadoj? Kala 10 tysiač rubloŭ za piać chvilin ekstrymu. Novyja 5D-kinaatrakcyjony dazvalajuć adčuć efiekt poŭnaj prysutnaści. Heta značycca, što
ciapier hieroj filma i hladač – adna i taja ž asoba.Kali niechta na ekranie na šalonaj chutkaści niasiecca pa trasie, to i hladackaje kresła budzie hajdacca z boku ŭ bok i ledź nie ŭźlatać pry razhonie, a ŭ vočy budzie bić strumień pavietra. Heta kino pa formie i atrakcyjon pa sutnaści. “Ledzianyja honki”, “Pjanyja rejki”, “Inšapłanietnaje safary”…– nazvy filmaŭ kažuć sami za siabie. Naprykład, “Supier-8” – toj samy atrakcyjon, što ŭ zabaŭlalnym parku, tolki virtualny. I biez ryzyki, što na šlachu vazka na javie prałomicca płatforma dvaccacipiacihadovaj daŭniny. A 5D-rolik mienavita tak i skančvajecca – niečakanym abryvam napieradzie. Kažuć,
u takija momanty hledačy skidvajuć ź siabie stereaakulary, kab chutčej viarnucca ŭ realnaść…
Evalucyja kino
Kinamastactva zrabiła čarhovy krok napierad i trapiła ŭ novaje vymiareńnie. Jaho možna nazvać i 4D, i 5D. Što było raniej? Tyja filmy, što tranślujucca pa televizary ci ŭ zvyčajnych kinateatrach, adnosiacca da vymiareńnia 2D – u ich jość tolki vyjava i huk. Zały, u jakich na ŭvachodzie vydajuć śpiecyjalnyja stereakulary, pakazvajuć filmy ź imitavanaj sterejavyjavaj. Heta 3D.
Nastupnaj prystupkaj kinaevalucyi stała ruchomaje kresła, jakoje imituje fizičnyja efiekty, naprkład, raspyrskvaje vadu. Kali ž hladač całkam pahružajecca ŭ atmaśfieru filma, i jaho achinajuć śpiecyjalnyja aramaty i pachi – heta i jość samaje sapraŭdnaje 5D.
Piaciorka lepšych
Dzie ŭ Biełarusi znajści takija kinaatrakcyjony i što ŭ ich možna pahladzieć?
Hieahrafija 5D pakul nie nadta šyrokaja. U zabaŭlalny śpis patrapili Miensk, Mahiloŭ, Maładziečna, Barysaŭ i Harodnia, pryčym ŭ stalicy pracuje dva atrakcyjona. Miesca znachodžańnia kinateatraŭ paznačana na karcie. Varta adznačyć, što dva z kinazałaŭ pryvatnyja – mahiloŭski i toj, što ŭ HC “Ekspabieł”. Astatnija naležać dziaržaŭnamu “Kinavideaprakatu”.
Ahulny košt zały z aparaturaj i kinastužkami składaje $120-130 tysiač.
Nieda-5D
Vyznačyć, jakija ź pieraličanych atrakcyjonaŭ možna nazvać sapraŭdnym 5D, składana. Naprykład, u bolšaści starych budynkaŭ savieckich kinateatraŭ pa technicy biaśpieki zabaroniena raźlivać vadu. Niama i aramataŭ viasnovaha lesa ci amierykanskaha marskoha bieraha.
Kino, jakoje pakazvajecca ŭ Biełarusi składana nazvać filmami, chutčej – rolikami.
Sieans praciahvajecca ad troch da piaci chvilin. Zrešty, bolš hledačy i nie vytrymlivajuć…Košt bileta, jak było napisana vyšej, składaje kala 10 tysiač rubloŭ. U zale zvyčajna ŭstalavana ad piaci da vaśmi miescaŭ.
Abmiežavańni dla hledačoŭ tyja samyja, što pry naviedvańni ekstremalnych atrakcyjonaŭ. Ciažarnym žančynam, maleńkim dzieciam, asobam sa słabym viestybularnym aparatam naviedvać 5d-kino nie rekamiendujecca.
Nie puściać i tych, chto važyć bolš za 100 kh, kresła moža nie vytrymać.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary