Siłaviki apublikavali videa z zatrymanaj siastroj aktyvista Maksima Viniarskaha Alenaj Cieraškovaj. Jaje kvateru raźnieśli
Telehram-kanał siłavikoŭ apublikavaŭ videa z zatrymanaj Alenaj Cieraškovaj — siastroj palitviaźnia, aktyvista «Jeŭrapiejskaj Biełarusi» Maksima Viniarskaha.
Na videa Cieraškova havoryć, što zjaŭlałasia siabram «Jeŭrapiejskaj Biełarusi» i bałatavałasia ŭ parłamient u 2019 hodzie, a zatrymali jaje za ŭdzieł u pratestach u 2020 hodzie i za toje, što jana «chadziła pa prajeznaj častcy i vykarystoŭvała niezarehistravanuju simvoliku».
Siłaviki apublikavali fota razhromlenaj u časie vobšuka kvatery Cieraškovaj, usie rečy vykinuty z šafaŭ. Siłaviki cynična dadajuć, što žančyna nie zmahła tam navieści paradak.
Ab zatrymańni Cieraškovaj stała viadoma 20 maja.
Jakija artykuły joj inkryminujuć, dakładna nie viadoma. Siłaviki namiakajuć, što žančynie pahražaje kałonija.
Alena Cieraškova — rodnaja siastra asudžanaha na 5 hadoŭ kałonii aktyvista hramadskaj kampanii «Jeŭrapiejskaja Biełaruś» Maksima Viniarskaha.
Cieraškova — skivičny chirurh. Akramia asnoŭnaj prafiesii, jana piśmieńnica, pierakładčyca, u svoj čas była dvuchrazovaj čempijonkaj Biełarusi pa taekvando. U joj — čaćviora dziaciej.
Cieraškovu z mužam užo zatrymlivali ŭ žniŭni 2021 hoda. Čym tady skončyłasia zatrymańnie, nieviadoma.
Ciapier čytajuć
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»13
Kamientary