Byłaja dyrektarka «Biełsata» vydała zajavu ŭ suviazi z abvinavačańniami ŭ rastratach. Patrabuje «spynieńnia paklopu» i prabačeńniaŭ
U svajoj zajavie Ahnieška Ramašeŭska-Huzy rašuča pratestuje suprać raspaŭsiudžańnia kiraŭnictvam Polskaha telebačańnia (TVP) infarmacyi, što nibyta pad jaje kiraŭnictvam na «Biełsacie» byli rastraty srodkaŭ i vystaŭlalisia padroblenyja rachunki-faktury za IT-pasłuhi.
Byłaja dyrektarka «Biełsata» śćviardžaje, što nie razumieje pachodžańnia nazyvanaj «rastračanaj» sumy ŭ 7 miljonaŭ złotych (kala 1 młn 770 tys. dalaraŭ) i
robić dapuščeńnie, što heta moža być ahulnaja suma koštu IT-pasłuh za niekalki hadoŭ dla prajektavańnia, stvareńnia, abarony i absłuhoŭvańnia veb-partałaŭ, jakija maje Biełsat TV.
Usio heta, jak zajaŭlaje top-mieniedžarka, apłačvałasia ŭ adpaviednaści z ahulnymi pracedurami TVP, a rašeńni, jak praviła, prymalisia kiraŭnictvam «Biełsata» nie adnaasobna.
Patrebnyja na hetyja mety vydatki nibyta štohod zakładalisia ŭ aficyjny biudžet kanała, da taho ž jany adlustroŭvalisia ŭ štohadovych spravazdačach i rachunkach, jakija padavalisia «Biełsatam» Ministerstvu zamiežnych spraŭ.
Pry hetym Ahnieška Ramašeŭskaja-Huzy źviartaje ŭvahu na toje, što sierviery TVP ciapier padajuć pad naciskam DDoS-atak, u toj čas jak sajty, źviazanyja z «Biełsatam», pieražyvali takija ataki praktyčna kožny tydzień na praciahu mnohich hadoŭ, i «im udałosia zachavać bieśpierapynnaść svaich dziejańniaŭ i nie stracić resursy».
Infarmatyka, jak śćviardžaje top-mieniedžarka, «nie była samym mocnym bokam kampanii TVP», tamu ŭvieś čas atakavanaja IT-struktura «Biełsata» i była ŭžo šmat hadoŭ tamu pieraviedzienaja na źniešnija sierviery, bo na stvareńnie ŭłasnaj sistemy, ustojlivaj da atak, hrošaj nie davali.
Pry hetym usio heta siabie apraŭdvała, bo źviazanyja z «Biełsatam» sajty «akazalisia nadzvyčaj ustojlivymi da sprobaŭ uzłomu i napadaŭ», bo «byli pabudavanyja pa śpiecyjalnaj aŭtarskaj sistemie raźmierkavanaj architektury».
U suviazi z hetym Ramašeŭskaja-Huzy nie razumieje, «jak možna ličyć, što niama nijakich prykmiet vykanańnia IT-pasłuh», i ličyć, što «pa bolšaj častcy hetyja pasłuhi mieli kankretnuju metu, bačnuju niaŭzbrojenym vokam».
Zychodziačy z hetaha, byłaja dyrektarka «Biełsata» patrabuje «spynić paklop na mianie i maich kalehaŭ i zamach na majo dobraje imia», a taksama apublikavać adpaviednyja prabačeńni «ŭ tym ža miescy, dzie było paviedamleńnie ab «padačy ŭ prakuraturu paviedamleńnia ab złačynstvie».
Dzikavicki adreahavaŭ na abvinavačańni prakuratury suprać byłoj kiraŭnicy «Biełsata»
Byłoje kiraŭnictva «Biełsata» abvinavačvajuć u finansavych złoŭžyvańniach
«Biełsat» pierastanie być samastojnaj adzinkaj u struktury TVP
Ramašeŭskaja-Huzy prosić dapamahčy joj hrašyma na advakataŭ — padpisčyki aburylisia
Dzikavicki: Pa-ludsku razumieju rytoryku Ramašeŭskaj. Ale ja b syšoŭ spakajniej
Polskaje miedyja śćviardžaje, što ŭ «Biełsata» vyjavili «šmatlikija parušeńni». Pra što havorka?
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary