U Varšavie padletki na žyŭca łavili piedafiła, toj adbivaŭsia nažom
Pryjechała palicyja i zatrymała ŭsich.
Vypadak adbyŭsia ŭ Brudnoŭskim lesie pad Varšavaj paśla abiedu, piša The-Warsaw.com
Pieršapačatkova paviedamlałasia, što 26-hadovy mužčyna atakavaŭ z nažom u ruce dvuch 15-hadovych chłopcaŭ. Na miescy na prahułcy z padletkami byŭ vyratavalnik, jaki akazaŭ paciarpiełym pieršuju dapamohu.
Pa nieaficyjnych danych, inšaziemiec rodam z Uźbiekistana, a na miesca zdareńnia jon byŭ z torbaj dastaŭki ježy. Chłopcy — ukraincy, jany mieli ranieńni ruk i žyvata.
Adnak paźniej palicyja zatrymała jašče čatyroch čałaviek, jakija prysutničali tam u momant zdareńnia, paviedamili ŭ Hałoŭnym upraŭleńni palicyi Varšavy.
«Sabranyja pa hetaj spravie dokazy śviedčać ab tym, što jany ździejśnili złačynstva ŭ dačynieńni da 25-hadovaha mužčyny», — kazałasia ŭ łakaničnym paviedamleńni palicyi.
Jak vyśvietliłasia, 13-hadovaja dziaŭčynka damoviłasia ab spatkańni z 25-hadovym mužčynam u lesie. Kali jon pryjechaŭ, padletki (dvoje 15-hadovych i 16-hadovy) zabrali ŭ jaho klučy ad mašyny i telefon. Jon schapiŭ nož i paraniŭ dvuch padletkaŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary