U Starych Darohach pamierła 10-hadovaja dziaŭčynka. Minzdaroŭja pravodzić pravierku
Dziaŭčynka pastupiła na stacyjanarnaje lačeńnie ŭ šeść hadzin viečara 20 žniŭnia ŭ zdavalniajučym stanie pa nakiravańni piedyjatra. Potym joj rezka stała kiepska.
20 žniŭnia ŭ Starych Darohach u balnicy pamierła dziesiacihadovaja dziaŭčynka. Viadoma, što dzicia a 18:05 špitalizavali ŭ zdavalniajučym stanie. Praz try hadziny stan dziaŭčynki rezka pahoršyŭsia: jana straciła prytomnaść, u jaje spyniłasia serca, piša «Minskaja praŭda».
Reanimacyjnyja mierapryjemstvy nie mieli pośpiechu. U 22:50 dziaŭčynka pamierła.
Cieła dziaŭčynki nakiravana na sudmiedekśpiertyzu, pa vynikach jakoj budzie vystaŭleny kančatkovy dyjahnaz.
Situacyju prakamientavali ŭ hałoŭnym upraŭleńni pa achovie zdaroŭja Minabłvykankama.
— Heta šok nie tolki dla baćkoŭ, ale i dla miedycynskich rabotnikaŭ ustanovy achovy zdaroŭja, jakija akazvajuć dapamohu.
Ciapier pracuje kamisija Ministerstva achovy zdaroŭja i hałoŭnaha ŭpraŭleńnia pa achovie zdaroŭja Minskaha abłvykankama pa acency ŭsich etapaŭ akazańnia miedycynskaj dapamohi. Praca kamisii znachodzicca na asabistym kantroli načalnika hałoŭnaha ŭpraŭleńnia pa achovie zdaroŭja Minskaha abłvykankama. My vykazvajem spačuvańni z nahody śmierci dziciaci, — skazali ŭ hałoŭnym upraŭleńni pa achovie zdaroŭja Minskaha abłvykankama.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary
Darujcie za čužynskuju movu.