Kakava-bob istotna padaražeŭ. Ci ŭźlaciać ceny na biełaruskija šakaładki?
Namieśnik staršyni kancerna «Biełdziaržcharčpram» Alaksandr Kižuk raskazaŭ, što letaś kakava-bob padaražeŭ na 60—70%, a z pačatku 2024-ha — jašče na 150—160%.
«U krasaviku ceny dasiahnuli histaryčnaha maksimumu, pieravysiŭšy adznaku 10 tysiač funtaŭ sterlinhaŭ (bolš za 41,6 tysiačy rubloŭ) za 1 tonu i bolš čym u dva razy pabiŭšy papiaredni rekord 1977 hoda», — pryvodzić słovy pradstaŭnika kancerna Sputnik.
Z 1 lipienia cana na kakava-bob źniziłasia da 7 395 funtaŭ (30,8 tysiačy rubloŭ) za tonu, a na 1 žniŭnia — da 6004 funtaŭ (25 tysiač rubloŭ). Kali paraŭnoŭvać hetyja sumy z koštam, jaki byŭ u studzieni hetaha hoda (3560 funtaŭ, abo blizu 14,8 tysiačy rubloŭ), to syravina ŭsio jašče davoli darahaja.
Heta nie moža nie zakranuć biełaruskich vytvorcaŭ šakaładu, bo ŭ sabiekošcie pradukcyi kakava-bob zajmaje da 50%. Adnak, kažuć u «Biełdziaržcharčpramie», ajčynnyja šakaładki istotna nie padaražejuć.
«Asnoŭnaja finansavaja nahruzka laža na našy kandytarskija pradpryjemstvy, prybytak jakich, biezumoŭna, źnizicca», — skazaŭ Alaksandr Kižuk.
U studzieni-lipieni rost cen na cukierki i šakaładki ŭ siarednim skłaŭ 5,2%, choć z-za padaražeńnia syraviny musiŭ vyraści na 40%.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary