Patryjatyzm i vietlivaść u sacsietkach. Jakija punkty źjaviacca ŭ praviłach dla biełaruskich školnikaŭ i baćkoŭ
Jakija punkty źjaviacca ŭ praviłach dla biełaruskich školnikaŭ i baćkoŭ, piša sb.by. Nad praviłami pracujuć śpiecyjalisty Ministerstva adukacyi i Akademija adukacyi.
Kančatkovaja redakcyja pravił jašče nie pryniata. U płanach raspracavać dva dakumienty: dziesiać praviłaŭ dla navučencaŭ i dziesiać — dla baćkoŭ. Da kožnaha budzie asobnaja preambuła.
— My chočam pakazać, što nastaŭnik — vučań — baćka źjaŭlajucca aktyŭnymi ŭdzielnikami adukacyjnaha pracesu. Pry hetym akcent robim na nastaŭniku, usio ž jon asnoŭny va ŭstanovie adukacyi. Školniki, baćki pavinny šanavać honar i hodnaść piedahoha. Vučań — raŭnapraŭny ŭdzielnik, mierkavańnie jakoha ceniać i da jaho prysłuchoŭvajucca, baćki i piedahohi — hałoŭnyja partniory jak u vychavańni, tak i ŭ navučańni, — kaža Iryna Karžova, načalnik upraŭleńnia ahulnaj siaredniaj adukacyi Minadukacyi.
Užo viadoma, što ŭ praviłach dla vučniaŭ prapišuć dobrasumlennuju vučobu, imknieńnie da viedaŭ, patryjatyzm, aktyŭny ŭdzieł u žyćci škoły, dziełavy styl adzieńnia, ahulnačałaviečyja kaštoŭnaści, a taksama praviły pavodzin u internet-prastory.
— U praviłach taksama prapišam, što navučency nie pavinny pakidać u sacsietkach niepavažlivyja kamientary ŭ adras nastaŭnikaŭ abo adnakłaśnikaŭ. Važna paźbiahać rezkich acenak, nie raźmiaščać videa i fatahrafii, jakija kampramietujuć inšych ludziej, — kaža namieśnik načalnika Centra sacyjalnaj, vychavaŭčaj i ideałahičnaj pracy Akademii adukacyi Juryj Jemieljanienka.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ10
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary
Pravilno, łučšie izdievaťsia nad svoim nasielenijem, no iźbiežať okopov russkoho mira Rośsii.