Kamandzir «Achmata»: rasijskija vajskoŭcy ździejśnili 187 złačynstvaŭ u Kurskaj vobłaści, u tym liku zabojstvy i zhvałtavańni
Apci Ałaŭdzinaŭ, vyrašyŭšy ŭ čarhovy raz pachvalić čačenskaje padraździaleńnie, padśviatliŭ temu, jakuju rasijskija ŭłady nie afišujuć.
Kamandzir śpiecnaza «Achmat» Apci Ałaŭdzinaŭ zajaviŭ, što rasijskija vajskoŭcy ździejśnili 187 złačynstvaŭ u Kurskaj vobłaści.
Pra heta namieśnik načalnika hałoŭnaha vajskova-palityčnaha ŭpraŭleńnia Minabarony raskazaŭ u intervju Z-vajenkaru Maksimu Kałašnikavu, zaŭvažyła «Ahientstvo».
Pravajenny błohier spytaŭ u Ałaŭdzinava, ci dachodzili da jaho čutki pra «nieprystojnyja pavodziny» bajcoŭ «Achmata» ŭ tyle.
«Ja znachodžusia ciapier na kurskim kirunku. Ja adrazu ž schadziŭ da načalnika UMUS Kurskaj vobłaści [Viktaru Kosaravu] i zadaŭ jamu ŭ łob pytańnie: «Jakija ŭ vas prablemy z «Achmatam»? — jak tolki ja siudy zajšoŭ. Jon uśmichnuŭsia i skazaŭ: «U nas na terytoryi ździejśniena 187 złačynstvaŭ vajskoŭcami. Heta zabojstvy, zhvałtavańni, inšaje, inšaje», — skazaŭ Ałaŭdzinaŭ.
Pry hetym jon zajaviŭ, što bajcy «Achmata» nibyta nie byli zamiašanyja ni ŭ adnym z hetych złačynstvaŭ.
Ałaŭdzinaŭ nie ŭdakładniŭ, za jaki pieryjad byli ździejśnienyja hetyja złačynstvy. Paviedamlałasia, što «Achmat» prybyŭ u Kurskuju vobłaść 8 žniŭnia.
Rasijskija ŭłady pra złačynstvy, učynienyja rasijskimi vajskoŭcami ŭ Kurskaj vobłaści, nie paviedamlali, maŭčać i aficyjnyja ŚMI. Pra złačynstvy stanovicca viadoma dziakujučy publikavanym u telehram-kanałach videa z kamier nazirańnia. U pryvatnaści byli apublikavanyja kadry niekalkich rabavańniaŭ kram, jak minimum u adnym takim złačynstvie ŭdzielničaŭ vajskoviec z Čačni.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary