La Viarchoŭnaha suda Brazilii prahrymieli vybuchi. Zahinuŭ mužčyna, jaki sprabavaŭ trapić u budynak
U centry Brazilia kala budynka Viarchoŭnaha suda Brazilii ŭ sieradu prahrymieli vybuchi. Sud byŭ evakujavany, na płoščy pierad im znajšli cieła mužčyny, piša Bi-bi-si.
Pieršy vybuch prahrymieŭ u bahažniku aŭtamabila na parkoŭcy, prylehłaj da budynka suda, praz 20 siekund pačuŭsia druhi vybuch.
Na płoščy pierad budynkam było znojdziena cieła mužčyny. Pa danych uładaŭ, jon sprabavaŭ praniknuć u Viarchoŭny sud.
«Hety hramadzianin padyšoŭ da Fiederalnaha Viarchoŭnaha suda, pasprabavaŭ uvajści, nie zmoh, i la ŭvachodu adbyŭsia vybuch», — paviedamiła žurnalistam hubiernatar Brazilia Sielina Lea.
Pavodle papiarednich źviestak, zahinuły taksama zładziŭ pieršy vybuch na parkoŭcy.
Hienprakuror krainy Chorchie Miesijas asudziŭ napad i paabiacaŭ, što ŭłady rasśledujuć incydent.
«Ja rašuča asudžaju napady na Viarchoŭny sud, — napisaŭ jon u sacsietcy X. — My pavinny viedać, što staić za hetymi napadami, i jak maha chutčej adnavić mir i biaśpieku».
Viarchoŭny sud znachodzicca ŭ centry stalicy pobač z Nacyjanalnym Kanhresam i Pałacam Płanałtu — rabočaj rezidencyjaj prezidenta Brazilii.
U momant incydentu ŭ budynku parłamienta prachodzili plenarnyja pasiadžeńni Pałaty deputataŭ i Sienata.
Prezident Łuis Inasiu Łuła da Siłva niezadoŭha da vybuchaŭ pakinuŭ pracoŭny kabiniet i ŭviečary znachodziŭsia ŭ Pałacy Ałvarada, svajoj aficyjnaj rezidencyi, jakaja taksama znachodzicca niepadalok.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?5
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2929
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama29
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary