Pucin pryhraziŭ udaryć «Arešnikam» pa «centry pryniaćcia rašeńniaŭ» u Kijevie
Rasijski prezident prakamientavaŭ masiravany abstreł Ukrainy, pradstaviŭšy jaho jak adkaz na novyja ŭdary pa rasijskaj terytoryi amierykanskimi rakietami ATACMS. Pucin skazaŭ ab hetym na samicie Arhanizacyi Damovy ab kalektyŭnaj biaśpiecy ŭ Kazachstanie, piša Bi-bi-si.
«Usiaho było vykarystana 100 sistem, 100 rakiet roznych kłasaŭ, pra jakija ja tolki što havaryŭ, i 466 udaraŭ bieśpiłotnikami», — pieraličyŭ rasijski prezident, udakładniŭšy, što heta ličby za apošnija dva dni.
Pucin znoŭ raskazaŭ, što novaja rasijskaja rakieta, jakuju jon nazyvaje «Arešnik», nie maje anałahaŭ u śviecie, i što celami dla novych udaraŭ, u tym liku i hetymi rakietami, mohuć stać «centry pryniaćcia rašeńniaŭ u Kijevie».
«Zaraz Ministerstva abarony i Hienieralny štab rasijskaj armii padbirajuć mety dla paražeńnia na terytoryi Ukrainy. Heta mohuć być vajennyja abjekty, pradpryjemstvy abaronnaj pramysłovaści ci centry pryniaćcia rašeńniaŭ u Kijevie», — skazaŭ jon.
«Viadoma, na praciahłyja ŭdary pa terytoryi Rasii rakietami vialikaj dalnaści zachodniaj vytvorčaści, jak užo było skazana, my budziem adkazvać u tym liku i mahčymym praciaham vyprabavańniaŭ «Arešnika» ŭ bajavych umovach, jak heta było zroblena 21 listapada», — padkreśliŭ Pucin.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
On šieł po sielskoj miestnosti
K bližajšiemu "Oriešniku"
Čto b ....