Łukašenka: Nijaki Asad nie dyktatar. Jon lačyŭ ludziej, nikoli nikoha nie zabivaŭ
Alaksandr Łukašenka, vystupajučy na zavodzie ŭ Barysavie, acaniŭ zrynutaha Bašara Asada, piša jahonaja pres-słužba.
Łukašenka zajaviŭ, što Asada zrynuŭ nie narod, jak pra heta skazaŭ prezident ZŠA Džo Bajden.
Na dumku Łukašenki, były siryjski lidar, jakoha pravaabaroncy abvinavačvajuć u šmatlikich vajennych złačynstvach, dyktataram nie byŭ i nikoha nie zabivaŭ.
«Voś, dyktatura, Asada prybrali i ŭsio, tam narod… Jaki narod? Biednyja, žabraki. Pieratvaryli krainu… Uvohule źniščyli. Jaki Bašar Asad dyktatar? Doktar pa prafiesii, ja jaho viedaju daŭno. U nas dobryja byli čałaviečyja adnosiny. Nijaki jon nie dyktatar. Jon lačyŭ ludziej jak doktar. Jon nikoli nikoha nie zabivaŭ», — zajaviŭ Łukašenka.
Na jahonuju dumku, Asada śpiecyjalna demanizujuć, jak i jaho samoha.
«Nie, hety Bajden, čuju, pačynaje brazhać. Jaho ŭžo nichto i nie słuchaje. Bałazie, što Tramp, jaki b ni byŭ ekstravahantny, jon zajaviŭ: «Nie leźcie tudy, nie naša sprava». Amierykancam kaža. Heta hodna. Treba razabracca. Ale heta kazka — «Nie leźcie tudy!» Jany ŭžo daŭno tam uleźli. Amierykancam da ŭsiaho jość sprava.
Tamu vy bačycie, jak heta ŭsio razhortvajecca, jak demanizujuć kiraŭnikoŭ dziaržaŭ. Mnie heta znajoma. U vas ža taksama «dyktatar» kiruje krainaj», — adznačyŭ Łukašenka.
Asada jon pastaviŭ u adzin šerah ź inšymi svaimi adnadumcami: dyktatarami Sadamam Chusiejnam, Muamaram Kadafi i Fidelem Kastra.
«Jak jany [na Zachadzie] tolki ich nie pałaskali. I dyktatary, i varvary, i narod zabivajuć i jaduć. Što tolki ni kazali. Tamu što jany ź imi ničoha nie mahli zrabić. Ja ich dobra viedaŭ. Heta byli mocnyja ludzi. Jany stajali za svoj narod, za svaju dziaržavu», — vykazaŭ mierkavańnie Łukašenka.
Pravaabaroncy abvinavačvajuć Bašara Asada ŭ stvareńni žorstkaha represiŭnaha režymu, pieraśledzie palityčnych apanientaŭ, katavańniach i palityčnych zabojstvach. Akramia taho, jość śviedčańni pra vajennyja złačynstvy armii Asada padčas hramadzianskaj vajny.
Vyjšaŭ na volu livaniec-chryścijanin, jaki pravioŭ u turmach Asada 33 hady. Jaho vykrali siryjskija vajskoŭcy
U siryjskaj turmie znajšli trup zakatavanaha aktyvista, jaki prapaŭ 4 hady tamu. Jon pavieryŭ režymu i viarnuŭsia ź Bierlina
«Asad paŭ. Nie bojciesia». Jak vyzvalajuć viaźniaŭ sumna viadomych turmaŭ Siryi
Z turmy Asada vyzvalili lotčyka, jaki admoviŭsia bambić siryjski horad. Voś jak jon vyhladaje paśla 43 hadoŭ źniavoleńnia FOTA
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary
A trupy v podziemnoj tiuŕmie - eto «vylečiennyje».