Uvodzicca norma ab pazasudovym paradku zadavalnieńnia patrabavańnia zastavatrymalnika za košt zastaŭlenaj majomaści.
Jak paviedamlaje pres‑słužba kiraŭnika dziaržavy, dakumient nakiravany na ŭdaskanaleńnie pracedur zastavy majomaści. U dekrecie praduhledžvajecca pašyreńnie prymianieńnia zastavy (u tym liku ipateki) z dapamohaj davańnia ŭ zastavu majomaści, zamacavanaj za arhanizacyjaj na pravie apieratyŭnaha kiravańnia.
Uvodzicca norma ab pazasudovym paradku zadavalnieńnia patrabavańnia zastavatrymalnika za košt załožanaj majomaści na padstavie pahadnieńnia pamiž zastavadaŭcam i zastavatrymalnikam, jakoje moža być zaklučana jak paśla ŭźniknieńnia padstaŭ dla nakładańnia spahnańnia na zastaŭlenuju majomaść, tak i da hetaha momantu.
Dakumientam praduhledžvajecca taksama mahčymaść zamieny pradmieta zastavy luboj ruchomaj majomaściu pa tych ža praviłach, jakija ŭstanoŭleny dla zastavy tavaraŭ u abarocie. Heta dazvolić stabilna pracujučym subjektam małoha i siaredniaha biźniesu, jakija nie majuć nieruchomaj majomaści, zakładvać ruchomuju majomaść. Pry hetym za imi zachoŭvajecca prava karystańnia hetaj majomaściu i zamieny jaje inšaj majomaściu takoj ža vartaści.
Akramia taho, źmianiajecca čarhovaść zadavalnieńnia patrabavańniaŭ kredytoraŭ pry likvidacyi jurydyčnaj asoby i spynieńni dziejnaści indyvidualnaha pradprymalnika.
Uviadzieńnie hetych norm, jak adznačaje pres‑słužba prezidenta, budzie spryjać aktyvizacyi haspadarčaj dziejnaści ŭ krainie, pasłužyć libieralizacyi ekanamičnaha žyćcia.
Dekret nabyvaje moc praz dva miesiacy paśla jaho aficyjnaha apublikavańnia.
Kamientary