Za padrobleny pratakoł uskryćcia karovy na supracoŭnika vieterynarnaj lačebnicy zaviali kryminalnuju spravu.
Za padrobleny pratakoł uskryćcia karovy na supracoŭnika vieterynarnaj lačebnicy zaviali kryminalnuju spravu.
Pa infarmacyi Lachavickaha RUUS, 45-hadovaja žycharka vioski Nača Lachavickaha rajona zastrachavała svaju karovu. Ale ŭ studzieni hetaha hoda haspadynia straciła svaju karmicielku. Jana nie vyklikała ni vieturača, ni strachavoha ahienta, kab jany zrabili ŭskryćcio žyvioliny, a prosta zakapała karovu. A praź niekalki dzion, kab atrymać strachoŭku, haspadynia karovy źviarnułasia da supracoŭnika vieterynarnaj lačebnicy h. Lachavičy i ŭhavaryła napisać pratakoł uskryćcia žyvioły.
Adnak u supracoŭnikaŭ strachavoj arhanizacyi, u jakuju źviarnułasia žančyna dla atrymańnia strachavoj sumy, uźnikli sumnieńni ŭ sapraŭdnaści pradstaŭlenaha dakumienta, i jany źviarnulisia ŭ milicyju.
U chodzie pravierki i vyśvietliłasia, što pratakoł patołahaanatamičnaha ŭskryćcia karovy byŭ padrobleny.
Na supracoŭnika vieterynarnaj lačebnicy zaviali kryminalnuju spravu pavodle č. 1 art. 380 KK (padrobka, vyrab, vykarystańnie albo zbyt padroblenych dakumientaŭ, štampaŭ, piačatak, błankaŭ). Kali vina mužčyny budzie dakazanaja, jamu pahražaje aryšt na termin da šaści miesiacaŭ abo abmiežavańnie voli na termin da dvuch hadoŭ.
Ciapier čytajuć
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»13
Kamientary