Trymajecie noŭtbuk uvieś čas padklučanym? Heta kiepska dla jaho
Pastajannaje trymańnie zaradki na ŭzroŭni 100% pryvodzić da jaje chutčejšaha znosu.
Bolšaść sučasnych noŭtbukaŭ vykarystoŭvaje lityj-ijonnyja batarei, jakija najlepš pracujuć, kali ŭzrovień ich zaradki znachodzicca pamiž 20 i 90%.
Kali batareja pastajanna «siadzić na kabieli», to ź ciaham času pačynaje hublać svaju jomistaść i razradžajecca ŭsio chutčej.
Pastajannaje padklučeńnie noŭtbuka maje sens tolki tady, kali vy pracujecie nad enierhazatratnymi zadačami, naprykład, mantažom videa, renderynham 3D-hrafiki abo intensiŭnym hiejminham.
A ci treba imknucca da poŭnaj razradki batarei?
Heta ŭžo minułaje. Sučasnyja lityj-ijonnyja batarei hetaha nie patrabujuć. Naadvarot, častaje poŭnaje razradžeńnie moža skaracić kolkaść cykłaŭ zaradki z 1000 da 500.
Jak padoŭžyć termin słužby batarei? Voś niekalki karysnych paradaŭ:
Paźbiahajcie pierahrevu
Nie pakidajcie noŭtbuk na miakkich pavierchniach (koŭdra, kanapa), dzie pierakryvajecca dostup pavietra.
Nie razradžajcie da nula
Jak adznačałasia vyšej, lityj-ijonnyja batarei drenna pieranosiać poŭnuju razradku — heta skaračaje ich resurs.
Kantralujcie jarkaść ekrana i adklučajcie lišnija funkcyi Źnižeńnie jarkaści, a taksama adklučeńnie Bluetooth abo padśvietki kłavijatury dajuć batarei bolšy zapas času.
Praviarajcie stan batarei
Kab zrabić heta na Windows, adkryjcie radok kamand (CMD) i ŭviadzicie kamandu «powercfg/batteryreport». Na MacOS: praź mieniu Apple → «Sistemnaja infarmacyja» → «Abstalavańnie» → «Siłkavańnie» (About This Mac → System Information → Hardware → Power).
Razhledźcie mahčymaść vyniaćcia batarei
Kali vaš noŭtbuk słužyć jak stacyjanarny kampjutar — bo redka jaho pieranosicie, — tady batareju možna vyniać i pracavać tolki ad elektrasietki. Tolki nie zabudźciesia, što pierad vymańniem batareja pavinna być zaradžanaja da 40—50%. Što praŭda, nie ŭsie madeli dazvalajuć vymańnie.
Vykarystoŭvajcie aryhinalnyja zaradnyja pryłady
Tannyja anałahi mohuć davać niestabilnaje napružańnie i tym samym paškodzić batareju.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary