Nie dali prymierać bializnu, bo zakanadaŭstva nibyta heta zabaraniaje. Ale akazałasia, što takich pravił niama
U svaim akaŭncie ŭ sacsietcy žycharka stalicy aburyłasia, što ŭ adnoj sa staličnych kram joj admovili ŭ prymiercy nižniaj bializny, spasyłajučysia na dziejnaje zakanadaŭstva. Ci pravamiernaja była admova, karespandentu «Minsk-Naviny» patłumačyli ŭ pres-słužbie MARH.
Minčanka śćviardžaje, što ŭ mahazinie joj skazali: niahledziačy na vysokuju canu brendavaj bializny, prymierka na hołaje cieła ŭ ich zabaroniena, pakolki heta supiarečyć praviłam hihijeny, i pa zakonie takoje niedapuščalna. Dziaŭčynie prapanavali prykłaści trusiki da svaich ci vymierać ich abjom — jana ŭ vyniku pryncypova admoviłasia ad pakupki.
U Ministerstvie antymanapolnaha rehulavańnia i handlu adznačyli, što dziejnaje zakanadaŭstva Biełarusi nie źmiaščaje zabarony na prymierku nižniaj bializny, a taksama pančošna-škarpetkavych vyrabaŭ, jak i lubych inšych vidaŭ adzieńnia.
Paradak i ŭmovy ich prymierki ŭ zakanadaŭstvie nie ŭstanoŭleny.
Ale sam pradaviec maje prava samastojna ŭstanavić paradak prodažu tavaraŭ, u tym liku abmiežavańni na prymierku spodniaj bializny i pančošna-škarpetkavych vyrabaŭ.
- Razam z tym, zhodna z p. 2 art. 10 Zakona «Ab abaronie pravoŭ spažyŭcoŭ», pradaviec (vytvorca) abaviazany akazvać sadziejničańnie spažyŭcu ŭ svabodnym vybary tavaru. Akramia taho, u adpaviednaści z p. 56 pastanovy Savieta Ministraŭ ad 22 lipienia 2014 h. № 703 ab ažyćciaŭleńni roźničnaha handlu asobnymi vidami tavaraŭ, pradaviec abaviazany zabiaśpiečyć pakupnikam šviejnaha i trykatažnaha adzieńnia, hałaŭnych uboraŭ, abutku, futravych tavaraŭ umovy dla ich prymierki, — adznačyli ŭ viedamstvie.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary
Cikava, što samo paniaćcie "prymierka" nie raśpisana padrabiazna.
Ŭziaŭsia prymiarać - ci mała, moža ciesny budzie, ci cierci, a jany niatannyja tam.
A kasirka aburyłasia i chacieła milicyju vyklikać.
A jano vo jak. Nie prapisana.