U Viciebskaj vobłaści zatrymali za noč 11 čałaviek za kradziež kaŭbasy — jaje vykidvali praz akno
Apieratyŭniki ABEP pry siłavoj padtrymcy AMAP zatrymali 11 žycharoŭ adnaho z rajonaŭ Viciebščyny, paviedamlaje pres-słužba MUS.
Paviedamlajecca, što hrupa va ŭzroście ad 17 da 59 hadoŭ ździejśniła kradziež ź miasapierapracoŭčaha pradpryjemstva.
46-hadovy majstar cecha arhanizavaŭ złačynnuju schiemu sumiesna sa svaim byłym 40-hadovym padnačalenym. Da kryminalnaha dueta dałučylisia rabotniki pradpryjemstva i svajaki. Padčas źmieny, parušajučy technałahičny praces, kiraŭnik stvaraŭ liški pradukcyi i składziravaŭ ich u vientylacyjnaje akno, jakoje vychodziła na vulicu.
Usiaho za adnu noč złamyśniki vyvieźli sotni kiłahramaŭ miasnych vyrabaŭ. Skradzienaje padzialili pamiž saboj.
Śledčymi zaviedziena kryminalnaja sprava za kradziež sa złoŭžyvańniem słužbovymi paŭnamoctvami, ździejśnieny hrupaj asob pa papiaredniaj zmovie.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary