Rasija zakryje nieba nad Kapuścinym Jaram. Raniej tak rabili pry atacy «Arešnikam»
Rasija zakryje nieba nad palihonam «Kapuścin Jar», ź jakoha zapuskajucca rakiety «Arešnika». Heta adbudziecca z ranicy 12 traŭnia da viečara 13 traŭnia, paviedamlaje ŭkrainski sajt «Militarny» sa spasyłkaj na apaviaščeńnie dla piłotaŭ NOTAM.
Apaviaščeńnie Fiederalnaha avijacyjnaha ŭpraŭleńnia ZŠA apublikavana 8 maja. U im havorycca ab poŭnym zakryćci nieba nad rasijskim rakietnym palihonam «Kapuścin Jar» u Astrachanskaj vobłaści z 09:00 12 traŭnia da 19:00 13 traŭnia.
Anałahičnaja zabarona na paloty ŭžo dziejničała raniej — 21 listapada 2024 hoda, napiaredadni ŭdaru balistyčnaj rakietaj «Kiedr» («Arešnik») pa Dniapry. Tady abmiežavańnie doŭžyłasia z 21 pa 23 listapada, piša «Militarny».
Padobnaje paviedamleńnie taksama było apublikavana 11-13 śniežnia z 08:00 pa 12:00 pa miascovym časie, a druhoje — 16-21 śniežnia. Paśla hetaha, 13 śniežnia, adbyŭsia masiravany rakietny ŭdar pa Ukrainie z užyvańniem balistyčnych, kryłatych i hipierhukavych rakiet.
9 traŭnia amierykanskaja ambasada ŭ Kijevie papiaredziła pra mahčymy maštabny abstreł Ukrainy.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary