«Zastoj Bajdena dušyŭ Ukrainu». Što ZŠA robiać inakš pry Trampie i čamu ŭ Kijevie źjaviłasia nadzieja
U intervju «Mieduzie» aŭtar bijahrafii Uładzimira Zialenskaha, žurnalist Time Sajman Šuster niečakana zajaviŭ: u apošni hod prezidenctva Džo Bajdena adnosiny ZŠA i Ukrainy byli ŭ kryzisie. Pavodle jaho słoŭ, u Kijevie rasła stomlenaść ad niavyznačanaści i braku rašučaści z boku Biełaha doma. Situacyja pačała źmianiacca tolki paśla viartańnia Donalda Trampa da ŭłady.
Sajman Šuster, aŭtar knihi «Šoumien: Uładzimir Zialenski i vajna va Ukrainie», padčas vialikaha intervju adznačyŭ: apošni hod kiravańnia Bajdena byŭ vielmi ciažkim dla ŭkrainskich uładaŭ.
«Ja časta čuŭ ad svaich ukrainskich krynic, što pracavać z amierykancami pad administracyjaj Bajdena vielmi ciažka, jość adčuvańnie stahnacyi. Maŭlaŭ, jany nie dajuć dastatkova ŭzbrajeńniaŭ, kab pierałamić situacyju [na froncie], niama rašučaści, niama žadańnia dapamahčy Ukrainie pieramahčy. Vyžyć — tak, a pieramahčy — nie. Usie hetyja biessensoŭnyja razmovy pamiž dźviuma krainami i ich pradstaŭnikami doŭžylisia miesiacami i mocna ŭsim [u Kijevie] nadakučyli», — skazaŭ Šuster.
Pa słovach žurnalista, ukrainskich čynoŭnikaŭ «dušyŭ» zastoj — biessensoŭnyja pieramovy, adsutnaść zbroi, słabaja padtrymka, jakaja nie dazvalała płanavać kontrnastup.
Tramp — nie śviaty, ale stvaraje prastoru dla manieŭru
U hetym kantekście, pavodle Šustera, viartańnie Donalda Trampa ŭ Bieły dom mnohija va Ukrainie sustreli z nadziejaj — chacia heta moža hučać dziŭna.
«Mianie zaŭsiody ździŭlała, kali ŭkrainskija dypłamaty kazali: «Z Trampam chacia b niešta ruchajecca. Jon moža pryniać chutkaje, rezkaje, navat niepradkazalnaje rašeńnie», — raskazvaje jon. Tak, jaho kroki nie zaŭsiody buduć na karyść Ukrainie, ale ź im choć niešta adbyvajecca. A z Bajdenam — ničoha», — dadaje Šuster.
«Jon moža zrušyć situacyju ź miortvaj kropki, stvaryć dla Ukrainy prastoru dla manieŭru, dziejańniaŭ, reakcyi, chaj navat toj ci inšy jaho chod budzie nie na karyść Ukrainy. A z Bajdenam byŭ prosta zastoj, jaki dušyŭ ukraincaŭ i kamandu Zialenskaha», — kaža Šuster.
Pavodle jaho słoŭ, nastroi ŭ Vašynhtonie pačali rezka mianiacca, kali Rasija čarhovy raz praihnaravała mahčymaść dla miru. Naprykład, paśla sustrečy rasijskaha dypłamata ŭ Biełym domie ŭ krasaviku adbyłasia kryvavaja ataka na Sumy — što, pa słovach Šustera, «mocna razzłavała Trampa i jaho atačeńnie».
«Pucin, prabačcie za vyraz, prasraŭ hety dypłamatyčny šaniec. I ciapier u Zialenskaha dobry šaniec viarnucca da zvykłaj pazicyi Štataŭ u dačynieńni da Ukrainy, da vajskovaj padtrymki i partniorstva z Kijevam, sankcyj suprać Rasii», — miarkuje žurnalist.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary
Tak i było pa maich nazirańniach.
Nu-nu.
Putin nad nim otkryto izdievajetsia, posłał butaforskuju dielehaciju, i prodołžajet bombiť Ukrainu.
No Tramp ničieho nie sdiełał, nikakich užiestočienije, tak čto Rubio prišłoś opravdyvaťsia v Konhrieśsie.
Poka, pri trampie, Ukraina narvałaś na bieskoniečnyje pieriehovory o biezusłovnom pieriemirii trampa na usłovijach putina.