Minčuk pakazaŭ, što rabić, kali mašyna trapiła pa vokny ŭ vadu padčas patopu VIDEA
Paśla mocnych daždžoŭ u Minsku ŭ tyktoku źjaviłasia šmat videa z aŭtamabilami, jakija apynulisia ŭ vadajomach na zatoplenych vulicach. Adzin z kiroŭcaŭ pakazaŭ, što možna zrabić, kali mašyna trapiła ŭ vadu pa vokny i apynułasia amal u vodnaj płyni, zaŭvažyła vydańnie Telegraf.news.
U takoj situacyi lohka atrymać tak zvany hidraŭdar — kali vada traplaje ŭ pavietrazabornik i razam z pavietram zasmoktvajecca ŭ ruchavik, što vyklikaje mocnyja ŭdary pa šatunnych miechanizmach i inšych detalach. U vyniku ruchavik moža zahłuchnuć i nie zavodzicca, a tady z takoha miesca vybracca ŭžo možna tolki z dapamohaj evakuatara, a ramantavać aŭto budzie doraha.
Zvyčajna praz hłybokija łužyny rajać jechać pavolna, nie hłušačy ruchavik. Ale kali daroha całkam zalitaja vadoj, heta moža być niebiaśpiečna dla zvyčajnaha lehkavika.
Kiroŭca ź Minska padčas adnaho z patopaŭ pakazaŭ, što dla źnižeńnia ryzyki traplańnia vady ŭ pavietrazabornik (jaki znachodzicca pad kapotam kala ruchavika, zvyčajna śpieradu) možna ruchacca nazad, a nie napierad.
«Mužyk — krasava, zadni chod uklučyŭ», — pachvalili jaho kamientatary, adznačajučy, što tak «mienšaja vierahodnaść u pavietranik vady schapić».
Śpiecyjalisty ličać, što taki sposab sapraŭdy moža pamienšyć ryzyku traplańnia vady ŭ ruchavik, ale jechać u vadzie rekamiendujuć tolki kali ŭzrovień vady nie vyšejšy za parohi i niama mocnaj płyni. Pry hetym varta ruchacca pavolna nazad, sočačy za tym, što adbyvajecca zzadu, praź lusterki, i być vielmi aściarožnym.
Jak pravilna jechać, kali trapili ŭ vodnuju płyń?
- Uklučycie pieršuju pieradaču (abo zadni chod) i ruchajciesia vielmi płaŭna, biez rezkich ruchaŭ.
- Trymajcie ruchavik na vysokich abarotach (2500-3000 ab/chv), kab vychłapnaja sistema nie zachłynułasia.
- Nie hłušycie ruchavik — kali jon zahłuchnie, paŭtorny zapusk moža pryvieści da hidraŭdaru.
Kali ž uzrovień vady praciahvaje padymacca, śpiecyjalisty rekamiendujuć terminova pakinuć mašynu.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2222
Kamientary