MZS Rasii prakamientavaŭ mahčymaść raźmiaščeńnia vojskoŭcaŭ krain NATA va Ukrainie
Lidary ES na sustrečy z Donaldam Trampam u Biełym domie prapanoŭvali raźmiaščeńnie vajskoŭcaŭ jeŭrapiejskich krain va Ukrainie paśla zakančeńnia vajny jak adnu z harantyj biaśpieki krainy. Padkreślivałasia, što hutarka nie idzie pra kantynhient NATA. U RF prakamientavali prapanovu.
Luboje raźmiaščeńnie vojskaŭ dziaržaŭ NATA va Ukrainie kateharyčna nieprymalnaje dla Rasii i pahražaje rezkaj eskałacyjaj, zajavili ŭ paniadziełak u MZS RF.
«Paćviardžajem nie raz ahučanuju pazicyju ab našym kateharyčnym nieprymańni lubych scenaroŭ, što praduhledžvajuć źjaŭleńnie va Ukrainie vajennaha kantynhientu z udziełam krain NATA, što pahražaje niekantralujemaj eskałacyjaj kanfliktu ź niepradkazalnymi nastupstvami», — havorycca ŭ kamientaryi na sajcie MZS RF.
Hienieralny sakratar NATA Mark Rute napiaredadni zajaviŭ, što pytańnie pra siabroŭstva Ukrainy ŭ NATA «ciapier nie abmiarkoŭvajecca», ale viaducca pieramovy ab mahčymych harantyjach biaśpieki dla Kijeva. Pavodle jaho, hetyja harantyi mahli b być padobnyja da miechanizmaŭ kalektyŭnaj abarony, praduhledžanych statutam aljansu. Jon adznačyŭ, što havorka idzie pra «dyskusii, jakija praciahvajucca», a nie pra kankretnyja rašeńni.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec12
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1616
Kamientary
Čamu maskavitaŭ jašče nie papiaredžvajuć pra heta ? ci nie spadziajucca, što jany sami razumiejuć svaje ŭłasnyja ryzyki ? Treba im skazać pra heta ŭhołas, maŭčańnie jany razumiejuć, jak zastrašanaść...