U samym paŭnočnym horadzie Šviecyi pieravoziać na inšaje miesca bolš čym stohadovuju carkvu
U samym paŭnočnym horadzie Šviecyi — Kirunie — realizujuć niezvyčajny prajekt: carkvu, zbudavanuju jašče ŭ 1912 hodzie, pieravoziać na novaje miesca, piša Bi-bi-si.
Budynak vahoj u 672 tony i vyšynioj 35 mietraŭ źmiaścili na vielizarnuju płatformu z sotniami kołaŭ. Jamu treba prajechać piać kiłamietraŭ, i hetaja daroha zojmie kala dvuch dzion, bo kanstrukcyju ruchajuć vielmi pavolna — usiaho pa paŭkiłamietra za hadzinu.
Pryčyna pierajezdu — pahroza pravału ziamli. Hrunt u horadzie pačaŭ apuskacca z-za bolš čym stohadovaj raspracoŭki žaleznaj rudy. Raniej na novyja miescy ŭžo pieranosili inšyja budynki Kiruny, ale z čyrvonaj carkvoj ciahnuli da apošniaha, bo jaje možna transpartavać tolki całkam.
Carkva, jakaja kaliści ličyłasia najpryhažejšym budynkam krainy, źjaŭlajecca simvałam Kiruny i hałoŭnaj słavutaściu ŭsiaho rehijonu. Unutry jaje zachoŭvajucca kaštoŭnyja tvory mastactva, u tym liku ałtarnaja karcina, napisanaja šviedskim pryncam Jaŭhienam (1865-1947), i vialiki arhan na tysiaču trub. Hetyja relikvii nielha było vynieści, tamu ich nadziejna zamacavali i abaranili prosta ŭnutry budynka.
Padrychtoŭka da pierajezdu zaniała niekalki hadoŭ: darohu pašyryli da 24 mietraŭ, ź jaje prybrali słupy, śviatłafory i navat stary most. U dzień pačatku šlachu sotni ludziej pryjšli pahladzieć, jak carkva pačynaje svajo pavolnaje padarožža. Dla mnohich heta sapraŭdny cud inžyniernaj dumki i histaryčnaja padzieja.
Chacia miascovyja žychary z sumam raźvitvajucca z tradycyjnym miescam, jany razumiejuć nieabchodnaść pierajezdu. Jak skazała vikaryj Lena Tjarnbierh, lepš pieranieści śviatyniu, čym dazvolić joj razburycca.
Uvieś prajekt pa pierasialeńni sa staroha miesca ludziej i budynkaŭ aceńvajecca bolš čym u 10 miljardaŭ šviedskich kron (kala 896 miljonaŭ jeŭra), i jaho finansuje kampanija LKAB — apieratar rudnika. Kali ŭsio pojdzie zhodna z płanam, to carkva apyniecca ŭ novym centry Kiruny ŭžo ŭviečary ŭ sieradu.
Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ
Pryharad Stakholma, dzie arudujuć bandyty-padletki ź liku mihrantaŭ, staŭ adnym z samych niebiaśpiečnych miescaŭ Jeŭropy
Navukoŭcy bjuć tryvohu: skandynaŭskija ledaviki imkliva rastajuć
U Šviecyi ŭsie raźličvajucca bieznajaŭnymi, ale ŭrad zaklikaje zapaścisia papiarovymi hrašyma
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary