Polskaja prakuratura: Prykładajem usie namahańni pa vyśviatleńni miescaznachodžańnia Mielnikavaj
Nacyjanalnaja prakuratura Polščy adkazała na zapyt Paŭła Łatuški nakont kryminalnaj spravy ab źniknieńni Anžaliki Mielnikavaj.
Kiraŭnik NAU Pavieł Łatuška atrymaŭ adkaz ad načalnika Lublinskaha adździeła Nacyjanalnaj prakuratury Polščy. U liście paviedamlajecca, što dziejańni, jakija pravodziacca ŭ chodzie papiaredniaha śledstva, «nakiravany na vyśviatleńnie abstavin nie tolki vyjezdu z Polščy Anžaliki Mielnikavaj, ale i inšych aśpiektaŭ, jakija vynikajuć z padadzienaha paviedamleńnia ab padazreńni ŭ ździajśnieńni złačynstva».
Taksama ŭ adkazie havorycca, što «jak Prakuratura, tak i Ahienctva Unutranaj Biaśpieki prykładajuć usie namahańni dla ŭstanaŭleńnia miescaznachodžańnia Anžaliki Mielnikavaj».
Śpikierka Kaardynacyjnaj rady Anžalika Mielnikava pakinuła terytoryju Polščy i Jeŭrasajuza 26 lutaha 2025 hoda i palacieła ŭ Łondan. Pavodle rasśledavalnikaŭ, za dzień da vyletu jana zareziervavała numar u piacizorkavym hateli na Šry-Łancy, dzie ŭžo byvała raniej. Z 28 lutaha da 7 sakavika Mielnikava žyła ŭ tym hateli ź dziećmi. 7 sakavika Mielnikava ź dziećmi palacieła ŭ Dubaj, tam jaje śled hublajecca. 25 sakavika jana pierastała vychodzić na suviaź. Dzie jana i što ź joj, niama infarmacyi.
Kaardynacyjnaja rada zajaŭlała, što 13 sakavika ź jaje akaŭnta byli spampavanyja dakumienty, jakija datyčacca pracy arhanizacyi.
U tym ža miesiacy, pavodle źviestak «Kibierpartyzanaŭ», Mielnikava pieraviała na asabisty rachunak bolš za 150 tysiač dołaraŭ sa srodkaŭ fondu Białoruś Liberty. Viadoma taksama, što pierad źniknieńniem jana lotała na Kubu i ŭ Šry-Łanku razam z Alaksiejem Łabiejevym, supracoŭnikam łukašenkaŭskich śpiecsłužbaŭ.
Lavončyk pra źniknieńnie Mielnikavaj: Jaki sens cisnuć na dziaciej ci na baćkoŭ, kali nieviadoma, dzie čałaviek znachodzicca
Hlińnik: Vystup Mielnikavaj na apošniaj kanfierencyi byŭ dziŭny — jana kazała, jak choča dadomu
«Mielnikava nie abaviazkova ahientka KDB, jana moža być achviaraj. A Łabiejeŭ jaje kupiŭ tym, što nazvaŭsia adzinokim baćkam ź dziećmi»
Eks-aficer polskaj kontrraźviedki: Mielnikava supracoŭničała sa śpiecsłužbami Biełarusi jašče da emihracyi
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary