Hetym razam zondaŭ na biełaruska-litoŭskaj miažy zafiksavana ŭ dva-try razy mieniej, čym siarod tydnia
Ułady Litvy nie razhladali mahčymaści źbivać hetyja mieteazondy.
Kiraŭnik Nacyjanalnaha kryzisnaha centra Vilmantas Vitkauskas skazaŭ u intervju radyjo LRT, što na hety raz šaraŭ prylacieła prykładna ŭ 2—3 razy mienš, čym heta było na pačatku tydnia.
«Pakul składana nazvać dakładnyja ličby, ale, sudziačy pa vyjavam na radarach, uvarvańnie było ŭ 2—3 razy mienšaje, čym na pačatku hetaha tydnia, u aŭtorak-sieradu», — zajaviŭ Vilmantas Vitkaŭskas.
Pa jaho słovach, u pavietry było zafiksavana try, a ŭvohule zaŭvažana čatyry pavietranyja šary. «Adnak učora viečaram i na praciahu ŭsioj nočy chvalavańnie vyklikała toje, što napramki, u jakich latali pavietranyja šary, byli vielmi niebiaśpiečnymi — byli zakranuty nie tolki aeraport Vilni, ale i aeraport Koŭna», — skazaŭ Vitkaŭskas.
Jon padkreślivaje, što ŭłady nie razhladali mahčymaści źbivać hetyja mieteazondy. Heta niebiaśpiečny sposab, jaki pradstaŭlaŭ by jašče bolšuju ryzyku dla žycharoŭ, budynkaŭ i infrastruktury. Pakolki my viedajem, što hruz nie niebiaśpiečny — kantrabandnyja cyharety, — značna nadziejniej było dačakacca, pakul jany pryziamlacca, a zatym šukać kantrabandystaŭ, jakija ažyćciaŭlali hetuju apieracyju», — adznačyŭ surazmoŭca.
«Praca zaraz idzie poŭnym chodam. (…) Našy siły sapraŭdy pracujuć intensiŭna, jak palicyja, tak i pamiežniki», — dadaŭ Vitkaŭskas.
Pa słovach čynoŭnika, niama dadzienych, kab situacyja jak-niebudź paŭpłyvała na inšyja samaloty, jakija latali ŭ pavietranym prastory Litvy, ale nie pryziamlalisia na terytoryi krainy.
Jon taksama padkreśliŭ, što paśla zakryćcia adrazu dvuch aeraportaŭ krainy stała značna składaniej pierakiroŭvać rejsy.
Nahadajem, što ŭčora viečaram z-za mieteazondaŭ byli zakrytyja Vilenski i Kovienski aeraporty, dziasiatki rejsaŭ admienienyja, abo pieranakiravanyja ŭ Pałanhu, byli zakryty punkty propusku «Miedniki» i «Salečniki».
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy14
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1616
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?16
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary