Litva aficyjna paviedamiła ŭładam Biełarusi pra zakryćcio punktaŭ propusku na miažy
Jak paviedamili ŭ Dziaržaŭnym pamiežnym kamitecie Biełarusi, u biełaruskija pamiežnyja orhany pastupiła aficyjnaja nota ad Słužby achovy dziaržaŭnaj miažy Litvy, zhodna ź jakoj urad Litoŭskaj Respubliki 29 kastryčnika 2025 hoda pryniaŭ pastanovu «Ab abmiežavańni i prypynieńni pierasiačeńnia dziaržaŭnaj miažy Litoŭskaj Respubliki».
Zhodna z dakumientam, z 29 kastryčnika dziejničajuć abmiežavańni na ruch ludziej i transpartu praz punkt propusku «Miedniki» («Kamienny Łoh»). Jany buduć praciahvacca da 01:00 1 śniežnia 2025 hoda pa biełaruskim časie.
U DPK udakładniajuć, što zabarona nie tyčycca:
- asob, jakija majuć dypłamatyčnyja abo słužbovyja pašparty, a taksama tych, chto pieravozić dypłamatyčnuju poštu;
- asob, jakija jeduć pa dakumiencie sproščanaha tranzitu (STD) u adpaviednaści z rehłamientam Rady ES №693/2003;
- hramadzian Litvy i členaŭ ich siemjaŭ, što viartajucca dadomu;
- inšaziemcaŭ z dazvołam na žycharstva u Litvie, jakija viartajucca ŭ krainu;
- asob, što jeduć u Litvu pa humanitarnych vizach;
- hramadzian krain ES, Jeŭrapiejskaj ekanamičnaj zony, Šviejcaryi, Andory, Manaka, San-Maryna, Vatykana, Ukrainy i ich siemjaŭ;
- hramadzian krain — udzielnic NATA.
Taksama abmiežavańni nie raspaŭsiudžvajucca na biełaruskich hramadzian — supracoŭnikaŭ dypłamatyčnych i konsulskich ustanoŭ hetych dziaržaŭ, jakija nakiroŭvajucca ŭ słužbovyja kamandziroŭki.
Akramia taho, pierasiačeńnie miažy praz «Miedniki» («Kamienny Łoh») moža dazvalacca ŭ asobnych vyklučnych vypadkach pa chadajnictvie Ministerstva zamiežnych spraŭ Litvy.
Adnačasova ŭ punkcie propusku «Salečniki» («Bieniakoni») afarmleńnie ludziej i transpartu całkam spyniena.
«Minus 650 jeŭra». Jak biełarusy rezka źmianiajuć maršruty paśla zakryćcia miažy ź Litvoj
Sotni litoŭskich fur zachraśli ŭ Biełarusi — transpartniki Litvy zaklikajuć urad terminova šukać vyjście
Łatvija pakul nie źbirajecca zakryvać miažu ź Biełaruśsiu
U MZS zajavili, što Litva zakryła miažu ź Biełaruśsiu, bo choča hrošaj ad ES
Miaža Biełarusi i Litvy zakrytaja na miesiac
Kamientary