Nastaŭnika historyi z Babrujsku praciahvajuć trymać na karotkim pavadku
Siońnia 13 vieraśnia sudździa Babrujskaha rajonu i horadu Babrujsku Natalla Čarapucha pastanaviła, što nia maje prava pačynać administracyjnaj spravy ŭ dačynieńni da nastaŭnika historyi, deputata harsavieta Alesia Čyhira. Biez dazvołu na toje prakurora vobłaści. Usie papiery pa spravie adasłanyja ŭ Mahiloŭ.
Sud musiŭ adbycca ŭčora. Ranicaj 12 vieraśnia da A. Čyhira pryjechała milicyja i adviezła va ŬUS Babrujska, dzie na jaho byli składzienyja dva pratakoły: za niepadparadkavańnie orhanam milicyi i parušeńnie praviłaŭ praviadzieńnia vuličnych akcyjaŭ. A 14-j hadzinie A. Čyhira zaprasili ŭ sud, ale sudździa Natalla Čarapucha pieraniesła pasiadžeńnie na sieradu.
Siońnia ž nastaŭniku historyi, baćku traich dziaciej, padčas prezydenckich vybaraŭ kiraŭniku haradzkoha štabu Milinkieviča paviedamili, što spravu budzie razhladać abłasnaja prakuratura.
Nahadajem, što 10 žniŭnia A. Čyhiru nie padoŭžyli pracoŭnaha kantraktu, niahledziačy na toje, što jon nikoli nia mieŭ nijakich spahnańniaŭ z boku školnaj administracyi. 31 žniŭnia Aleś Čyhir prykuŭ siabie kajdankami da lichtara na centralnaj płoščy pierad harvykankamam. Z hetaha času A. Čyhira peryjadyčna vyklikajuć u milicyju i voziać u sud.
Praz vychodnyja ŭ Babrujsku majuć adbycca respublikanskija «Dažynki», tamu nia vyklučana, što na hetyja dni hramadzkaha aktyvista izalujuć – kab vypadkam nie pazbaviŭ ružovych akularaŭ «pracaŭnikoŭ siała».
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary