MZS pra DTZ ź biełarusami ŭ Polščy: biełaruski bok sočyć za situacyjaj, kolkaść paciarpiełych vyrasła da 14 čałaviek
Siońnia rankam u DTZ u Polščy trapiŭ aŭtobus ź biełarusami, jaki jechaŭ u Vienhryju.
MZS Biełarusi paviedamiła, što znachodzicca ŭ kantakcie z kampietentnymi orhanami Polščy, konsulstva ŭ Biała-Padlascy prymaje nieabchodnyja miery pa akazańni sadziejničańnia hramadzianam.
Surjoznaje darožna-transpartnaje zdareńnie adbyłosia ŭ niadzielu ranicaj kala 07:30 na kalcavoj raźviazcy Kuronia ŭ Žešavie.
U vyniku DTZ zahinułych niama. 14 hramadzian Biełarusi z ranieńniami lohkaj i siaredniaj stupieniaŭ ciažkaści byli špitalizavany i raźmieščany ŭ piaci miedycynskich ustanovach horada Žešaŭ, im akazvajecca nieabchodnaja miedycynskaja dapamoha, adznačyli ŭ viedamstvie.
Pasažyram, jakija nie paciarpieli ŭ vyniku incydentu, była akazana dapamoha na miescy i pradastaŭleny pierakładčyk.
U aŭtobusie znachodzilisia 47 hramadzian Biełarusi, jakija nakiroŭvalisia ŭ Vienhryju.
Abodva kiroŭcy aŭtobusa, hramadzianie Biełarusi i Polščy, byli ćviarozyja.
Siarod papiarednich viersij razhladajecca mahčymaść, što kiroŭca-biełarus zasnuŭ za rulom.
Ciapier čytajuć
Prapahandysty pakazali mocna schudniełaha Vasila Vieramiejčyka15
Kamientary